Қарағанды қаласы білім бөлімі ӘК-нің жоспарына сәйкес №39 гимназия ұжымымен бірге қалалық «100 кітап» байқауы болып өтті.
Байқаудың мақсаты: Қазақ әдебиетінің, әлем классикасының қорындағы құнды шығармалар арқылы оқушыны кітап оқуға баулу.  
Оқушыларға қазақ әдебиетінің, әлем классикасының, жалпы түркітілдес халықтар әдебиетінің алтын қорындағы құнды шығармаларды оқыту мен үйретуді қолға алып отырған бұл жоба №39 гимназия қабырғасында үшінші мәрте өткізіліп отыр. Байқау қала деңгейінде онлайн режимінде де көрсетілді.
 Байқаудың шымылдығы 9-сынып оқушыларына арналған «Абайтану» оқулығының тұсаукесерімен басталды. Оқулық авторлары: ҚарМУ филология ғылымдарының докторы, профессор Рахимов Б.С. және осы гимназияның мұғалімдері Кубеков Б.Т., Омирбаева Д.М.
Байқаудың бағыттары:
5-сыныптар,   «Мен оқыған кітап»  кітап  жарнамасын жасау, қорғау.
6- сыныптар,   «Қасиетіңнен, қара өлең, айналайын» атты  мәнерлеп оқу сайысы.
7-сыныптар,  «Жыр күмбірі»  жырлардан, аңыз-әңгімелерден  жатқа үзінді айту.
8- сыныптар,  «Театрлар әлемінде» сахналық қойылым көрсету.
9- сыныптар,  «Бір кітап – бір сурет»  /сурет байқауы/
10-сыныптар, «Ұлы даланың ұлы мұрасы» электрондық кітапша жасап, қорғау.
11-сыныптар, «Ұлт болашағы және латын графикасы» латын графикасына негізделген қазақ әліпбиінде эссе жазу.
Байқауда 35 мектептен 105 оқушы бағын сынады. Нәтижесінде 5-сыныптар арасында І орынды   М.Жұмабаев атындағы №39 гимназия оқушысы Тоқтарбек Ақнұр, 6-сыныптар бойынша І орынды №61 ЖББОМ оқушысы Эшкулова Акшархат, 7-сыныптардан  №15 ЖБББОМ оқушысы Каримова Жанел, 8-сыныптарда  «Театр әлемінде» үш тілде сахналық қойылым бойынша М.Жұмабаев атындағы №39 гимназия оқушылары, №25 мектептен 9-сыныптар бойынша сурет байқауынан  Ақылбекова Ажар иеленді. 10-сыныптарда  «Ұлы даланың ұлы мұрасы» электрондық кітапшасы үздік деп танылған №101 МЛ оқушысы Ерланова Дильназ І орынды жеңіп алды. 11-сынып бойынша №101 мектеп-гимназиясының оқушысы Қойшыбай Зеренің эссесі  үздік деп танылып, І орынды иеленді.  
 Барлық жеңімпаздарды жеңістерімен құттықтаймыз!