2019 жылдың 23 ақпанында Қарағанды қаласының білім ұйымдарында «Қаржы сауаттылық күні» өткізілді.

Мақсаты:

а) оқушылардың экономикалық білімдерін тиянақтай отырып, одан әрі арттыру;
б) қаржы сауаттылыққа байланысты  білімдерін өмірде қолдана білу қабілеттерін, экономикалық ой - өрістерін, қиялын дамыту.
      Экономикалық білім тек экономика мен басқарудың түрлі саласында қызмет істейтіндерге, ғалым - экономистерге немесе экономика пәні оқытушыларына ғана, сонымен қатар күнделікті өмірде кездесетін мәселелерді шешуде қоғамның әрбір мүшесіне қажеттілігін бүгінгі өмір талабы көрсетіп отыр.
Мектепте қаржылық сауаттылық және экономика негіздерін оқытудың басты мақсаты – оқушыларды экономикалық мәдениетпен, қоғамның экономикалық даму заңдылықтарымен таныстыру, іскерлікке, қаржылық сауаттылыққа тәрбиелеу, еңбек ете білуге, өзін және өзгелерді рухани - материалдық құндылықтармен қамтамасыз ететін өз елінің патриот азаматы болуға қаруландыру.
        Аталған шара барысында барлық білім беру ұйымдарында түрлі шаралар ұйымдастырылып, өткізілді.  
«Қаржылық сауаттылық» күні  саптық жиындармен басталды. Саптық жиындарда мектеп директорлары құттықтау сөз сөйлеп, оқушылардың қоғам өміріндегі және адамдардың күнделікті өміріндегі қаржының рөлі жайлы ақпарат айтты. Құрылған жоспар бойынша 1-4 сыныптарда «Энергияны үнемдеу» тақырыбында сынып сағаттары өткізілді. Сынып сағаттарында мұғалімдер балаларды энергия үнемдеу мүмкіндіктерімен таныстырды, 5-6 сыныптарда «Қаржылық сауаттылық» тақырыбында сынып сағаттары мазмұнды өткізілді. Мұғалімдер қаржылық сауаттылық туралы түсінік бере отыра, логикалық тапсырмалар орындатты. Балаларға ақшаны жұмсаудың 13 кеңесі айтылды. 7-сыныптарда «Қаржылық сауаттылық туралы», 8-сыныптарда «Жеке қаржыны жоспарлау негіздері», 9-сыныптарда «Электрондық қаржылар» тақырыптарында сынып сағаттары өткізілді. Сонымен қатар, оқушыларға қаржы жөнінде ұғымды түсінікті түрде беру, түрлі экономикалық сауаттылықты қалыптастыру міндеттерін іске асыру барысында  «Экономика ойыны», «Мәртебелі экономика», «Экономикалық КТК» тақырыптарында шағын ойындар жүргізілді. Мектептің мәжіліс залында 10-11 сынып оқушыларына қаржылық табыс туралы бейнефильмдер көрсетілді және ЖОО, колледж оқытушысыларымен ұйымдастырылған кездесулерде оқушылармен қаржы-қаражат жүйесі, валютаның айналымы мен экономикалық терминдер туралы ақпарат берілді. Оқушылар сұрақ қойып өз кезегінде жауаптарын алды.
Өткізілген іс-шаралар қорытындысыда 
еліміздің ертеңі, Тәуелсіз Қазақстанның кемел болашағын келешекке жеткізер осынау озық ойлы оқушылар тәрбиелеу үшін осындай шаралардың үлесі зор болмақ.