Қазіргі білім беру жүйесінде жаңа технологияларды енгізу күннен-күнге басты талапқа айналып, осы әдістерді жетілдіре түсу қажеттігі күшейіп келеді. Осыған орай, 23.02.2019ж. №6 мектеп базасында физика және математика пәнінің мұғалімдеріне арналған «Жаңартылған білімге - жаңаша көзқарас» тақырыбында қалалық семинар өткізілді. Семинардың теориялық бөлімінде мектеп директоры Канторбаева Ш.Р.  мектептегі жаңартылған білім мазмұны бойынша  жүргізіліп жатқан іс-шаралар туралы мәлімет берсе,  Қарағанды қаласының ББ әдіскері Аязбекова Г.У. осы тақырып аясында, жаңартылған білім беру барысындағы өзгешіліктер мен өзгерістерге тоқталып өтті. Практикалық бөлімінде математика мұғалімі Саденова Н.К. «Табысқа апарар әдіс-тәсілдер» атты тренинг жүргізді.  Пән мұғалімдері  Сарсенбекова Б.Л., Кенежанова Н.А., Тажибаева Г.Г., Жанаева А.Т. өз тәжірбиелерімен бөлісу мақсатында, ашық сабақтар көрсетті. Аталған мұғалімдердің сабақтарында оқушылармен жүргізілетін іс-әрекеттерді, АКТ қолдану, жұптық және топтық жұмыс түрлері, үштілділік және  белсенді әдіс-тәсілдерді ұтымды қолдана алғаны жайлы қатысушылар қорытынды сөзінде айта кетті.

     Семинардың қорытындысы: жаңартылған оқу бағдарламасы аясында тек өз пәнін, өз мамандығын шексіз сүйетін, бала үшін ұстаз ғұмырын құдіретті деп санайтын білімді мұғалімдер ғана жұмыс істей алады.