2009-2010 оқу жылында қаладағы қазақ тілі мен қазақ әдебиеті пән мұғалімдері бірлестігінің тақырыбы: «Мұғалім құзырлылығы – оқушы құзырлылығының алғышарты».
Қаладағы 70 орыс мектебінде қазақ тілі пәнінен сабақ беретін 565 мұғалім бар.
Пән мұғалімдерінің сапалық құрамы :

• Жоғары санатты - 62
•  І санатты – 137
• 2 санат – 198
• Санатсыз – 168, оның 100-і жас мамандар (педагогикалық еңбек өтілі 1 жылдан 3 жылға дейін).

Аттестатталуға өтініш берген мұғалімдер саны:
Жоғары санатқа – 51
І санатқа – 78
ІІ санатқа – 66
Жұмыс мақсаты :

• Қала мектептеріндегі қазақ тілі пән мұғалімдерінің жұмыстарын бағыттау;
• Қазақ тілі пән мұғалімдерінің әдістемелік деңгейін көтеру;
• Қала мектептеріндегі  оқушылардың қазақ тілі мәдениетін қалыптастыру, оқытуды жақсартуды ұйымдастыруда мұғалімдерге жанды көмектер беру;
• Мұғалімнің шеберлік деңгейін жетілдіру, қазақ тілі пәнін оқытудың әдістерін жетілдіруде  мұғалімнің құзырлығын арттыру;
• Тәжірибе алмасу, қазақ тілін оқытуға байланысты жаңа әдебиеттермен, басылымдармен таныстыру;
• Жаңа шығармашылық топ жинақтап, жұмысын ұйымдастыру.

2008-2009 оқу жылында қазақ тілі мен қазақ әдебиеті мұғалімдерінің қалалық әдістемелік бірлестігі жаңа жүйеге көшіп, 6 бағытта қызмет атқарды. Жұмыс топтарға бөлініп жүргізілуде. Ол топтар төмендегіше аталады:

• Педагогтардың кәсіби қиындықтарын анықтап, түзету тобы
• Жас мамандарды кәсіби жетілдіру тобы
• Инновациялық (жаңаша) жобаларды құру және енгізу тобы
• Оқу-тәрбие жұмысын әдістемелік жағынан қамтамасыз ету тобы
• Инновациялық (жаңаша) технологияларды енгізу тобы (жобалау-зерттеу, информациялық-коммуникативтік, т.б.)
• Алдыңғы қатарлы педагогикалық тәжірибе базасын жасау тобы.

Жаңа 2009-2010 оқу жылында қалалық әдістемелік бірлестік осы топшалар жұмысын жалғастырады. Бір ғана өзгеріс – топ мүшелері ауыстырылады.
Енгізілген жаңалықтар:
Өткен оқу жылының соңында, 2 маусымда бірлестік отырысына жиналған шығармашылық топ мүшелері басқа ұлт өкілдерінің олимпиадаға дайындығы мен ауызекі сөйлеу тілдерін дамыту мақсатында әр тоқсанға 1 мазмұндамадан енгізілуі керек деп шешті. Сондықтан алдын бекітілген 4 диктанттың біреуі мазмұндамаға берілді (№ 5 хаттама, 02.06.2009);
Жаңа оқу жылының басындағы № 1 отырыста қазақ тілі мен әдебиеті дәптерлеріне, жазбаша жұмыстарының көлеміне қойылатын талаптар бекітілді:

• қазақ тілінен оқушылар 4 дәптер (2 жұмыс, 1 бақылау, 1 сөздік) арнайды, олардың сырты бірқалыпты толтырылады, қазақ тілінен жазатын барлық жазба жұмыстары (диктант, мазмұндама, тест) бақылау жұмысы дәптеріне жазылады, ал қорытынды, нәтиже сабақтар, өзіндік жұмыстар жұмыс дәптерлеріне орындалады, сөздік дәптерлерді бірнеше жыл қолдануға болады;
• қазақ әдебиетінен 1 жалпы дәптер арналады, мазмұндама, шығарма сол дәптерге жазыла береді;
• жазба жұмыстарының көлемі: диктант – 1 сынып – 15-20 сөз, 2 с. – 20-25, 3 с. – 30-35, 4 с. – 40-45, 5 с. – 50-55, 6 с. – 60-65, 7 с. – 70-75, 8 с. – 80-85, 9 с. – 90-95, 10 с. – 100-105, 11 сынып – 110-120 сөз; мазмұндама, шығарма – 5 сынып – 4-5 сөйлем, 6 сынып – 5-6 сөйлем, 7 сынып – 6-7 сөйлем, 8 сынып – 7-8 сөйлем, 9 сынып – 8-9 сөйлем, 10 сынып – 9-10 сөйлем, 11 сынып – 10-11 сөйлем.