2019 жылдың 6 ақпанында «№ 93 гимназия» КММ  базасында Қарағанды қаласының 85 жылдық мерейтойына арналған оқушылардың  «Алғырлар» ІХ ғылыми жобалар фестивалі  өткізілді.

Іс-шараға қала мектептерінен барлығы 69 оқушы қатысып, 54 ғылыми жоба қорғалды. Ең үздік атанған төрт ғылыми жоба фестивальдің  пленарлық отырысында тыңдалды, ал қалған жұмыстар алты секцияға бөлінді: «Болашақтың технологиясы» (математика, физика, информатика), «Химия», «Биология», «тіл білімі», «Тарих», «Экология және шығармашылық». Өз жобаларын қорғау барысында оқушыларымыз өздерінің шығармашылық әлеуетін толығымен көрсетуге тырысты. Жобаны бастаудағы мәселені анықтап, өз шешімдерін ұсынды.  Өз ойларын анық, жетік жеткізе білді.

Ұсынылған ғылыми жобаларда көптеген оқушылар қоршаған ортаның ластануы мәселесін көтерген, шикізатты дұрыс қолданып, қоқысты да екінші рет қайта қолдану жолдарын ұсынған, сонымен қатар, қала көліктерінің жұмысын жақсарту мен біздің қаламыздың көшелері мен аулаларын абаттандыру жолдарын  да ұсынды.

Жазылған жоба қорытындысынан біздің балаларымыздың өз қаласын жақсы көретіндігін, оның тарихын жетік білетіндігін және оның болашағы оларды толғандыратынын көруге болады.

Гимназия тарапынан іс-шараны ойдағыдай өткізуге жағдай жасалып, фестиваль «№ 93 гимназия» оқушыларының қатысуымен үлкен мерекелік концертпен аяқталды.