Қалалық білім бөлімі ӘК жылдық жоспарына сәйкес  №53 ЖББМЛ базасында жас мамандарға арналған «Жас келсе, іске!» атты қалалық семинар болып өтті. Семинарға қала мектептерінене 50-ге жуық жас мамандар қатысты. Семинардың ашылуында мектеп директоры С.Д.Изтулеуова семинарға қатысушыларға мектеп туралы қысқаша мәлімет беріп, сәттілік тіледі. Қалалық білім бөлімінің әдіскері Жаркеева Гүлназ Бекетовна «Ақырын жүріп, анық бас...»  тақырыбында баяндама жасап, жас мамандарға, семинарда ықшам сабақ, коучинг өткізетін мектеп-лицейдің қазақ тілі мен әдебиеті пәндерінің мұғалімдеріне сәттілік тіледі.
           Семинар барысында бағдарлама бойынша Қ.Б.Уалибекова «Көркем шығармаларда кездесетін көркемдегіш құралдарды табу және ажырата білу» тақырыбында жас мамандармен ықшам сабақ өткізді. Ықшам сабаққа 25 жас маман қатысты. Ықшам сабақта поэмадан, толғаудан, шешендік сөздерден үзінділер алынып, көркемдегіш құралдарды тауып, түрлерін ажыратты. Қатысушы жас мамандар тапсырма орындау барысында белсенділік танытып, тапсырманы аса қызығушылықпен орындады. Жас маман С.Б.Софина  «Эпикалық шығармалардағы автор бейнесін анықтау тәсілдері» тақырыбында ықшам сабақ өткізді. Ықшам сабақ барысында эпикалық шығармаларда автор бейнесін анықтау тәсілдерін қарастырып, тапсырмалар орындалды. Сабаққа қатысушы жас мамандар тәжірбиелерімен бөлісіп, сабақ жоспарын құрастырды. Қазақ тілі, әдебиеті пәндерінің мұғалімі Ж.К.Касенова «Критериалды бағалаудағы қарастыратын тапсырмалардың ықшамдығы» тақырыбында коучинг өткізді. Коучинг барысында жас мамандар коуч өткізген мұғаліммен бірлесе отырып, критериалды бағалаудың  тапсырмаларын құрастыруды үйренді. Жас мамандар критериалды бағалауға  қатысты сұрақтар қойып, өздеріне көп мәлімет ала алды.
          Семинар қатысушылардың қызығушылығын қанағаттандыратындай интербелсенді режімде өтті.