2018 жылдың 25 желтоқсанында №12 жалпы білім беретін орта мектебінде математика және физика пәні мұғалімдеріне арналған  «Математика, физика сабақтарында құзыреттілікке бағытталған тапсырмаларды қолдану тиімділігі» тақырыбында қалалық семинар өткізілді.

     Семинардың мақсаты:сабақта құзыреттілікке бағытталған тапсырмаларды тиімді қолдану бойынша іс –тәжірибелерімен бөлісу.

       Семинардың теориялық бөлімінде қалалық  білім бөлімінің әдіскері Аязбекова Г.У. - «Құзыреттілікті қалыптастыруға бағытталған тапсырмаларды математика және физика сабақтарында қолдану тиімділігі» тақырыбында презентация- видеоматериалмен бөлісті. №12 орта мектебінің математика пәні мұғалімі К. С. Тайшикова «Құзыреттілікті қалыптастыруға бағытталған тапсырмаларды математика сабақтарында қолдану» тақырыбында тренинг ұйымдастырды. Тренинг барысында қала мұғалімдері құзыреттіліктің әр түріне  бағыталған тапсырмалар орындап, «Құзыретті мұғалім» бейнесін шығарды.

       Практикалық бөлімінде  математика пәні мұғалімі С. Муғалимжаны 5 «А» сыныбында «Жай бөлшектерге және аралас сандарға, натурал сандар мен нөл санына амалдар қолдану», 7 «А» сыныбында физика пәні мұғалімі К.А. Оразбекова «Үйкеліс күші. Үйкеліс әрекетін техникада ескеру», 8 «Ә» сыныбында математика пәні мұғалімі Б.А. Нурманбаева «Теңдеулерді шешу»  тақырыптарында ашық сабақтар өткізді. Сабақтарда: «Шабарман», «Ойлан, жұптас, бөліс», «Фрайер», «Екі жақты күнделік» т.б әдістері; «Кahoot», «Табыс сатысы», «Аяқталмаған сөйлем», «Қосу, алу, қызықты» рефлексиялары қолданылды. Сонымен қатар, «Bilimland. kz», «ustaz.kz».

ресурстары өз тиімділігін сабақтар барысында тапты. Семинар қала мұғалімдері тарапынан жоғары деңгейде  бағаланды.