Қарағанды қаласының «№36 жалпы білім беретін орта мектебі» КММ базасында2018 жылдың 14 желтоқсанында облыстық  «Геоград» жобасы аясында «Сабақтан  тыс  уақытта оқушылардың  жобалау-зерттеу жұмыстарын   ұйымдастыру» тақырыбында қалалық семинар өткізілді.

      Семинардың мақсаты: оқушылардың жаратылыстану бағытында алған  білімдерін нақты өмірлік жағдайларда пайдалану деңгейін көрсете отырып, тәжірибе алмасу. Семинарды мектеп директоры –Изтулеуова Сауле Далбаевна мен  қалалық білім бөлімінің әдіскері - Аязбекова  Гульнур Узакбаевна ашты. Директордың бейіндік  оқыту жөніндегі орынбасары - Оразова Гульмира Муктаровна «Геоград» жобасы туралы айта отырып, атқарылған  іс-шараларға жеке-жеке тоқталып кетті.

       Семинар барысында төрт зертхана өз жұмыстарын көрсетті:

• «Экология» зертханасы: 4 сыныптар арасында «Гүл туралы аңыз»- сахналақ қойылым көрсетіп, соңынан «Табиғат- әсемдік әлемі»  тақырыбында  оқушылар жоба қорғады. (жетекшілері Кокеева А.А, Жашкеева А.Қ, Жабағина К.З.);
• «Денсаулық молекуласы» зертханасы:  3 сыныптар арасында «Ауырма балақай»  тақырыбындағы   пікірталаста бастауыш сынып оқушылары өздері зерттеулер жүргізген жұмыстары жайлы айтып, көптеген мәліметтермен  алмасты.(жетекшілері Сексеналина Д.К, Абдрашитова Г.Е,Абишева Қ.Ж.);
• «Ғарыш»  зертханасы:  1 сыныптар арасында «Ғарышқа саяхат» тақырыбында керемет саяхат сабағы тамашаланды. (жетекшілері  Айтбекова А, Рысбекова А.Р, Абдикенова М.Ж, Серикбаева Ж.А.);
• «Леготека»  зертханасы:  2 сынып оқушылары  «Леготека тәжірибеде»  тақырыбында  леготека, робототехника құрастыру жұмыстарында жоғары қызығушылық таныта отырып, түрлі конструкциялар құрастырып, қатысушыларды таң қалдырды. (жетекшілері Ибраев Е.А, Досымбекова А.Б,Ильяшева З.С, Жумажанова Г.Ж.)

        Сонымен бірге, оқушыларқызықты тәжірибелер көрсетіп, оның өмірдегі қажеттілігі және құпиясы неде екенін түсіндірді.

1-сынып оқушылары «Батпайтын қыстырғыш»,  2-сынып оқушылары  «Стақан ішіндегі лава», 3-сынып оқушылары  «Түрлі - түсті  симфония», 4-сынып оқушылары  «Ашытқының көмегімен  үрленген шар»  атты тәжірибелерді көпшілікке ұсынды. 

        Семинар соңында «Аралдарда» атты рефлексиясы жүргізіліп, семинарға қатысушылар өз пікірлерін ортаға салды. Семинар жоғары деңгейде қатысушылармен бағаланды.