11.12.2018 ж. күні Қарағанды қаласының №87 негізгі орта мектебінде жаңартырған білім мазмұнындағы орта білім беруде белсенді әдіс-тәсілдерді қолдану бойынша тәжірибе алмасу мақсатында математика және физика пәндерінің жас мамандарына арналған «Оқушылардың танымдық қызығушылығын дамытудағы белсенді оқыту формаларын қолдану» атты қалалық семинар өтті.

      Семинар жоспарына сәйкес 9 «А» сыныбында Г.Р.Рахимова алгебра пәнінен «Арифметикалық прогрессия», 7 «А» сыныбында Н.Т.Телембетова физика пәнінен «Үйкеліс күші.Үйкеліс әрекетін техникада ескеру», С.Б.Раимбекова 7 «Б» сыныбында геометрия пәнінен «Теңбүйірлі үшбұрыш, оның қасиеттері мен белгілері» тақырыптарында ашық сабақтар көрсетті. 

    Сондай-ақ, математика пәнінің мұғалімдері Ж.Ш.Кадырбаева мен С.А Мукашова «Оқытудың белсенді әдіс-тәсілдері» тақырыбында тренинг өткізді. Тренинг барысында қатысушылар математика және физика сабақтарында тиімді пайдалануға болатын белсенді әдіс-тәсілдер бойынша тәжірибе алмасты.

     Семинар өз деңгейінде, ұйымдасқан түрде өткізілді. Барлық межелеген іс-шаралар уақытында, жоспарға сәйкес ұйымдастырылды. Мұғалімдер жақсы ұйымдастырушылық қабілеттерін көрсетіп, шығармашылық жағдай қалыптастырды.