Әдістемелік кабинеттің жоспарына сәйкес Ә.Бөкейхан атындағы №76 жалпы білім беретін орта мектебінде бастауыш сынып оқушыларының арасында қалалық  «МЕНІҢ ӨМІРІМДЕГІ МАТЕМАТИКА» зерттеу жұмыстары мен шығармашылық  жобалар байқауы өткізілді.

Мақсаты:бастауыш сынып оқушыларын шығармашылық ізденіс және жобалық жұмыстарға баулу, оқушылардың математикалық сауаттылығын арттыру, зерттеу жұмыстарына қызығушылық танытқан қабілетті және дарынды оқушыларды анықтау және оларға қолдау көрсету.

Байқау төмендегі бағыттар бойынша ұйымдастырылды:

1. «Математикалық графика және модельдеу»

2. «Сандар сөйлейді»

3. «Өміріміздегі математика».

Әрбір бағыт бойынша зерттеу жұмыстары теориялық, эксперименттік,ойлап тапқыштық негізде болды.Байқау жұмыстарын бағалау келесі белгілер бойынша жүзеге асырылды:

- жұмысты орындаудағы жеке орындаушылық деңгейі;

- шығармашылығы;

- сұрақтарға жауаптардың толықтығы;

- тақырыптың зерттеу тереңдігі;

Бағалау критерийлері бойынша жеңімпаздар анықталып, қалалық білім бөлімінің дипломдарымен және мадақтама қағаздарымен  марапатталды.