Қарағанды қаласы білім бөлімі ӘК-нің жылдық жоспарына сәйкес №34 жалпы білім беретін орта мектебінде қазақ сыныптарындағы қазақ тілі мен әдебиет пәндері мұғалімдерінің «Қазақ тілі және қазақ әдебиеті  пәндеріндегі тыңдалым  мен айтылым дағдысы бойынша қалыптастырушы бағалауды ұйымдастыру» тақырыбындағы  қалалық семинары болып өтті.
 Семинар мақсаты - қазақ тілі, қазақ әдебиеті  пәндеріндегі  тыңдалым  мен айтылым дағдысы бойынша қалыптастырушы бағалауды ұйымдастыру бойынша тәжірибе алмасу.
Жоспар бойынша аталмыш мектептің пән мұғалімдері: Бралина С.Ә. «Әлемнің жаңа жеті кереметі»; Нәбиғаппарова Т.Е. «Доспамбет жырау:  «Қоғалы көлдер, қом сулар», «Айналайын, Ақ Жайық». Толғаулардың тақырыбы мен идеясы»; Омарова Қ.Б «Дәрумендер-денсаулық кепілі» тақырыптарында ашық сабақтар берді. Ашық сабақтарда мұғалімдер семинар тақырыбына сәйкес өз тәжірибелерімен бөлісті, білім, білік дағдыларын көрсетті.
Келесі кезекте осы мектептің қазақ тілі мен әдебиет мұғалімі Г.С Магауиянова мен З.Т. Жалелова мазмұнды коучинг өткізді. Коучинг барысында мұғалімдер әріптестерінің сабақтарына талдау жасап, рефлексия жүргізді. Мұғалімдер тақырып төңірегінде ой өрбітіп, әдістемелік қоржындарына  қажетті мәліметтер жинап қайтты. Семинар соңында мектептің педагог-психологтары Ж.Ш. Исина мен М.Ғ. Сейл ұстаздармен тренинг ұйымдастырды.
        Теориясы мен практикасы ұштасқан семинар қатысушылар тарапынан жоғары бағаланды.