«Жыр жазамын жүрегіммен...» атты ұстаздар арасындағы ІІ қалалық ақындар мүшайрасы

№36 ЖББОМ базасында ақын М. Жұмабаевтың туғанына 125 жыл толуына орай шығармашылық мұрасын насихаттау, өлең құдіреті арқылы тіл мәртебесін  көтеру мақсатында «Жыр жазамын жүрегіммен...» атты ұстаздар арасындағы ІІ қалалық жыр  мүшайрасы өтті. Жыр мүшайрасын облысымызға белгілі Кәрім Нұрдос, Мұқаев Ілияс сынды ақындар ашып, қазылық етті.  І орынды №134 мектептің мұғалімі Хумарбек Ербұлан Ауезұлы иеленді. Мүшайраға қатысушы ақын ұстаздардың барлығы дерлік мадақтама, алғыс хаттармен марапатталды, сертификаттар берілді. ІІ қалалық жыр мүшайрасы көпшілік көңілінен шығып, осы шараны ұйымдастырып, қолдау көрсетіп отырған қалалық білім бөліміне алғыс білдірілді. Облыстық деңгейде өткізілуге ұсыныс жасалды.
ІІ қалалық ақындар мүшайрасының жеңімпаздарын құттықтаймыз!