№95 МГ базасында математика мұғалімдеріне арналған «Олимпиада есептерін шешу әдістері» тақырыбында қалалық семинар өткізілді. Семинардың теориялық және практикалық бөлімінде, яғни көрсетілген презентация, тренингтерде олимпиадалық  есептердің  шығаруының тәсілдерінің  алуан түрлері қарастырылып, талқыланды. Арнайы формуланы қолдануға келмейтін, әрқайсысына өзінше талдау жасауды қажет ететін есептердің шығару әдістері көрсетілді.

       Оқушылар кез-келген есептің берілуін толықтай түсініп, соңында қандай нәтижеге қол жеткізу қажеттігін түсінсе, нәтижеге қол жеткізу жолдарының алгоритмін ойша құра алса, олимпиада кезінде берілген есептерді түсіне білуге, талдай алуға, шығаруға, дағдылана алатыны туралы рефлексия кезінде қатысушылар атап өтті.