2018 жылдың 30 қазанында «Қарағанды қаласы білім бөлімі" ММ "Балауса" бөбекжайындабілім беру процесін жоспарлауда педагогтерге әдістемелік көмек көрсету мақсатында МДҰ қазақ тілі мұғалімдеріне арналған "Мектепке дейінгі білім беру мазмұнын жаңарту жағдайында қазақ тілін оқытудың тиімді тәсілдері" тақырыбында әдістемелік семинар өтті.

Семинардың бірінші бөлімінде «Балауса» бөбекжайы жоғары санатты қазақ тілі мұғалімі Б.Н. Жалпакова ашық ҰОҚ көрсетті.

Екінші бөлімнің іскерлік ойыны барысында педагогтер «миға шабуыл» тәсілі арқылы ашық ҰОҚ талдады.  Педагогтің ҰОҚ қолданылған әдіс-тәсілдеріне ерекше көңіл бөлінді. Сонымен қатар семинар жетекшілері Ж.Е.Естаева, Г.К.Нуртаева семинар қатысушыларына «Кластер», «Синквейн», «Венн диаграммасы» жаңа әдіс-тәсілдерін таныстырды. Семинар «Толағай» балабақшасы қазақ тілі мұғалімі У.К.Тусупованың «Интерактивті технология негізінде флипчартты қолдану» және «Алтын сақа» бөбекжайы, «Думан» балабақшасы қазақ тілі мұғалімдері К.М.Ибраева мен Т.Б.Буркитбаевалардың «Вариативтік бөлім – қазақ тілін оқытудың тиімді тәсілдерінің бірі» атты презентацияларын көрумен жалғасты.

Семинарға қатысушылар өздерінің кәсіби деңгейлерін көтеріп, білімдерін толыққанын сенімділікпен айтты және семинарды ұйымдастырушыларға алғыс білдірді.