Қазақстан халықтарының Тілдер күніне орай №23 ЖББОМ базасында 27 қыркүйек күні ХI қалалық «Ана тілі сұлтаны»  байқауы өткізілді.Байқауда қаламыздағы гимназия, мектеп-лицей, жалпы білім беретін орта мектептер мен негізгі орта мектептерде оқитын ұлты қазақ ер балалары өнер көрсетті. Оған қаламыздың 21 мектебінің 8-11 сынып  оқушылары қатысты.

         «Ана тілі сұлтаны» байқауының мақсаты: Қазақтың ақыны, педагог, аудармашы, ұлттық тілдің реформаторы Ахмет Байтұрсынұлының 5 қыркүйек туған күніне, қазақ әдебиетінің жарқын жұлдызы Мағжан Бекенұлы Жұмабаевтың туғанына 125 жыл толуына орай орыс мектептерінде білім алатын жас ұрпақ арасында ұлттық тіліміз бен ұлылардың шығармашылықтарын насихаттау мақсатында    қазақ тілінің мәртебесін көтеру болатын. Сондықтан байқауға қатысқан оқушылар Ахмет Байтұрсынұлының және М. Жұмабаевтың шығармаларынан үзінділерді нақышына келтіре орындай отырып, көрермендерге әсерлі де қызықты кеш сыйлады.Байқау барысында қатысушыларымыз өздерін түрлі қырынан көрсетіп қана қоймай, сұрақ – жауап бөлімінде өздерінің білім деңгейлерін де сынға салды.

       Байқауда жігіттердің өнерін таразыға салып талқылап, саралап,әділ бағасын беретін әділқазылар алқасы әділ бағасын беруге тырысты. Әділқазылар алқасының құрамы қала мектептерінің қазақ тілі мен әдебиеті пәнінің мұғалімдерінен құралды.

        Байқауда өз өнері мен білімі жағынан басым түскен оқушылар жүлделі орындарға ие болса, өз өнерлерімен ерекшеленген оқушылар  түрлі номинацияларға ие болды. Қорыта келе, №51ЖББОМ оқушысы 1-орынды,  №35ЖББОМ мен №4 ЖББОМИ оқушылары 2-орынды, №23ЖББОМ, №32 ЖББОМ,№5 ЖББОМ  3-орынды  қанжығаларына байлады.