Қорытынды семинар. 2017-2018 о.ж. қазақ тілі мен әдебиеті пәндері әдістемелік бірлестік жұмысының нәтижесі: мәселелер мен  шешімдер.

Қарағанды қаласы  білім бөлімі әдістемелек кабинетінің жоспарына сәйкес 30 мамыр №36 жалпы білім беретін орта мектебінде оқыту қазақ тіліндегі қазақ тілі, әдебиет пәндері бірлестік жетекшілері және пән мұғалімдерінің қатысуымен қорытынды семинар өтті. Әдіскер Г.Б.Жаркеева кіріспе сөзінен кейін қатысушылармен топтық жұмыс барысында пән бойынша және әдістемелік жұмыста қандай қиындықтар мен мәселелер туындағаны туралы пікіралмасу жүргізді. Әр топ өз пікірлерін білдірген соң әдіскер өз тарапынан қалалық бірлестік жұмысының бір жылдық жұмысымен таныстыра отырып, анықталған мәселелерге, жалпы жұмыстың оң және теріс жақтарына тоқталды. Пікіралмасу соңында мұғалімдер анықталған мәселелердің шешу жолдарын ұсынды, талқыға салды. Анықталған өзекті мәселелердің бірі - авторлық бағдарламалар, жұмыс дәптерлер, әдістемелік нұсқаулықтарды жасау және  мақала жазудағы сауатсыздық. Осы мәселелер төңірегінде №36 ЖББОМ мұғалімдері Д.Н. Заркеева және Г.М.Қасым мақала жазуға қойылатын талаптар мен бағдарлама жасау туралы іс-тәжірибелерімен  ой бөлісті.
Семинар соңында әдіскер 2017-2018 оқу жылында қалалық әдістемелік бірлестік жұмысына белсене қатысқан ұстаздар мен бірлестіктерді қалалық білім бөлімінің алғыс хаттарымен марапаттады.