2018 жылдың мамыр айының 22 күні №23 ЖББОМ КММ аясында бастауыш мектептің ӘБ жетекшілеріне арналған қалалық семинар өтті. Бұл семинардың негізгі мақсаты: оқу жылын қорытындылау, 2018-2019 оқу жылына арналған  міндеттермен таныстыру.Семинар барысында қалалық білім бөлімінің әдіскері Гульсара Оспанова Хабаркелдіқызы слайд презентацияларының көрсетілімімен, өткен оқу жылына арналған талдау жұмыстарын жүргізді.Слайд материалдарында оқу жылының барлық елеулі оқиғалары мен білім бөлімінің ұйымдастыруымен өткізілген барлық іс-шаралар көрсетілді.Сонымен қоса, жаңа оқу жылында бастауыш мектептің әдістемелік  жұмысын ұйымдастыруда, ерекше назарда ұстайтын проблемалық мәселелер де айтылды.

         Г. Оспанова семинар жұмысын қорытындылай келе, қалалық әдістемелік кабинеттің жұмысына белсене қатысып, шығармашылық және педагогикалық шеберлік танытқан бастауыш мектептің мұғалімдеріне Қарағанды қаласының білім бөлімінің Алғыс хаттарын табыс етті.