Биыл 2017 жылы «Алаш партиясының» құрылғанына  100 жыл толды.Осыған орай бүгін,  11 наурыз күні мектебімізде  «Алаш мұраты -тәуелсіз Қазақстан» атты дөңгелек үстел болып  өтті. Оған мектебіміздің 6,7,8,9 қазақ сыныптарының оқушылары қатысты. Оқушылар дөңгелек үстелде «Алаш партиясының» мақсаты, көксеген арманы, тәуелсіздік жолында атқарған еңбектері жөнінде пікір алысты. Қазақ зиялылары туралы мағлұмат алды. Дайындалған бейнефильмдерді көріп, өз ойларымен бөлісті. Мектеп кітапханасында «Алаш-ұлттың ұраны» тақырыбымен көрме ұйымдастырылды.  Дөңгелек үстелге мектеп директоры Бақтыбаев Арман Болатұлы  және директордың оқу ісі жөніндегі орынбасарлары Көпеев А.С., Тәуекелова Ж.К,  тарих пәні  мұғалімдері қатысты. Дөңгелек үстелді қазақ тілі мен әдебиеті мұғалімдері Шильмурзина А.Б., Махтбекова З.А., Байготанова Б. К., Көпбергенова Ж. К. ұйымдастырып, өткізді. Сыныптан тыс іс шара өз мәнінде өтті.