17 сәуір күні гимназияда “Зияткерлік модернизация” жобасы аясында Readx форматында “Мен ұсынар бір кітап..” атты іс-шара өтті. Іс-шараға “Зияткерлік модернизация” жобасындағы мектептердің педагог-психологтары мен әлеуметтік педагогтары қатысты.

READx - кітап оқуды ұнататын белсенді оқырмандар алаңы болып табылады. Бұл оқырмандар арасында өздері оқыған кітаптардың мазмұнымен өзара бөлісіп, бір - бірін кітап оқуға шақыру мақсатында жасалынған жоба.

READx жобасы - бұл кітап оқуда адамның алған шабытын әңгімелеу барысында әсерлі, әрі түсінікті етіп жеткізу. READx жобасының ұраны «Оқуға ұмтыл!». Бұл жобаның басты мақсаты оқырманның оқу сауаттылығын, ұлттық және әлемдік әдебиетке деген қызығушылығын арттыру.

Спикерлер ұсынған кітаптың мазмұнын қысқаша баяндап, идеясымен таныстырып, шығармадағы құнды ойларымен бөлісті.
Іс-шараның соңында сауалнама арқылы қатысушылар ұсынған кітаптардың тізімінен бір кітапты оқу үшін таңдап алды.