2013 жылы 20 қараша күні «Алмагүл» балабақшасында мектепке дейінгі мекемелер басшылары үшін шара өтті. Ашық есік күні  «МДҰ басқару үлгісі»  тақырыбына арналды. Балабақша менгерушісі Омар Б.С фин авторлары Т. Сантайлайн, Э. Воутилайн концепциясына сүйене отырып «Қорытынды бойынша басқару»  үлгісін көрсетті.  Сонымен қатар басшылар балабақшаның жетекші педагогтарының тәжірибелерімен танысты. Тәрбиеші Харитонова Т.А Қарағандының 80 – жылдығына «Мектеп жасына дейінгі балаларды кіші отанына деген сүйіспеншілікке тәрбиелеу» тақырыбында өз іс – тәжірибесін көрсетті. Еліміздің президенті Н.Ә.Назарбаевтың білім беру ұйымдарының алдына қойған мақсатын жүзеге асыру мақсатында патриоттық тәрбие беру сабағында, тифлопедагог Өмірбаева Ш.Ө көру қабілеті бұзылған балалармен этнопедагогика элементтерін қолдана отырып жұмыс жүргізу  тәжірибесін ортаға салды. Лекотекада Носова Г.П мүмкіндігі шектеулі балалармен жұмыс туралы айтты. «Атамұра» авторлық бағдарлама бойынша тіл ақауы бар ересектер тобы «Қырқынан шығару»  дәстүрін  көрсетті. Балабақша ұжымы барлық МДҰ басшыларына тілек ағашына қалдырған жақсы тілектері үшін алғыс айтады.

Қараша айының 21 күні Ғ.Мұстафин атындағы № 83 орта мектеп әкімшілігінің бастамасымен осы мектеп ғимаратында ІІ қалалық «Ғабиден Мұстафин» оқулары өтті. Оның мақсаты: мемлекеттік тілдің қолданылу аясын кеңейту және оны дамыту, орыс мектептерінде білім алатын жас ұрпақ арасында ұлттық тіліміз бен мәдениетімізді, салт-дәстүрімізді, әдебиетімізді кеңінен насихаттау болды. Шара мектептер арасында үлкен сұранысқа ие болып, 40 шақты білім ұйымдарын қамтыды. Оқулар «Сөз мәнері» және «Сахналық қойылым» деп аталатын бағыттарда өткізілді.  Қарағанды қаласы білім бөлімінің қазақ тілі мен әдебиет пәнінің әдіскері Ибадуллаева Г.С. төрағалық еткен, мүшелері Жакишева М.К. (Қарағанды қаласы білім бөлімінің қазақ тілі мен әдебиет пәнінің әдіскері), Тусупбекова А.М. (Қарағанды облысы оқу-әдістемелік орталығының қазақ тілі мен әдебиет пәнінің әдіскері), Каримова Б.Ж. (Қарағанды облыстық М.Әуезов атындағы кітапхананың 7 бөлімінің қызметкері), Тілеген Ардақ (№6 ЖББОМ  қазақ тілі мен әдебиет пәнінің мұғалімі), Абдрасилова А.А. (қазақ тілі мен әдебиет пәнінің мұғалімі), Акульбекова Н.З. («Өрлеу БЖ ұлттық орталығы» ПЖ БЖИ Қарағанды облыстық филиалының аға оқытушысы, жазушының жиен немересі) болған құзырлы қазылар алқасы барлық қатысушылардың өнерін тамашалап, әділ бағаларын берді. Нәтижесінде орындар келесідей бөлінді: «Сөз мәнері» бағыты бойынша:   далее...

9 қарашада Қарағанды қаласының №101 мектеп-лицейінде Қазақстан Республикасының Білім және ғылым Министірі болып қайтты. Министірдің іс - сапарын облыстық білім басқармасының және қалалық білім бөлімінің басқарма корпусы бастап жүрді. Мектеп-лицей директоры Алма Алтынханқызы Жұмабекова қонақтарды мектептің даму тарихымен, оқушылар мен мұғалімдердің жеткен жетістіктерімен, мектептің келешектегі білім беру жүйесіндегі жаңа бағыттарымен таныстырды. Қонақтар 1-7 сынып оқушылары арасында өткен ғылыми жоба көрмелеріне қатысты. Ұсынылған жұмыстар орта және бастауыш сынып педагогтарының, оқушылардың кәсіптік бейіндік әлемін қалыптастырудағы қызметін көрсетті. Мектеппен танысу жұмысы мектептегі «Кулинарлық іс», «Автожұмысы», «Тігін жұмысы», «Ағаш өңдеу» технологиялық шеберханалармен аралаумен жалғасты. Қонақтарды ерте кәсіпке бейімдеу негізінде, көп деңгейлі үздіксіз кәсіпке бейімдеу моделінің іс жүзіне асырылуының теориялық негізімен облыстық ТКББ бөлімі басшысы C.А Қойлыбаева таныстырды. Осы модель аясында автокөлік колледжімен, тамақтану және сервис колледжімен келісім шарттар жасалған, соның нәтижесінде мамандандырылған сынамалар үнемі өткізіліп отырады. Кездесу соңында А.А.Жұмабекова Білім Министіріне бейіндік мектепке кредиттік-қашықтан оқыту технологиясын енгізу барысын баяндады. Мектеп ұжымының «Білімал» автоматтандырылған басқару жүйесімен жұмыс барысын ОӘО электрондық білім беру жүйесі бөлімінің меңгерушісі Р.Х. Сүлейменов таныстырды. Кездесу бейресми жағдайда өтті.

    Қарағанды қаласының білім бөлімі 2013 жылғы 07-08 қарашада №97 гимназия негізінде Қарағанды қаласының 80-жылдығы қарсаңында «Қарағанды заманауи қала болу қажет: үндеулер мен болжамдар» тақырыбында білім ұйымдарының оқушылары арасында күзгі пікірталас турнирін өткізді.        Қалалық турнир оқушылардың белсенді азаматтық ұстанымын қалыптастыру, олардың қоғамдық белсенділіктерін, көшбасшылық және шешендік қабілеттерін дамыту, сонымен қатар мектептегі пікірталас ойындарын жандандыру мақсатында ұйымдастырылды.      Турнирге 42 команда қатысты. Оларды қазылар алқасының мүшелері - қалалық білім бөлімінің мамандары, «Движение молодежи за будущее Казахстана» қоғамдық бірлестік өкілдері, академик Е.А. Бөкетов атындағы Қарағанды мемлекеттік университетінің пікірталас клубының мүшелері, білім ұйымдарының тарих пәні бойынша мұғалімдері бағалады.    Турнир қорытындысы бойынша жүлделі орындарға қазақ лигасының командалары: №57 мектеп-лицей (Гран-при), №41 ОМ (1 орын), №61 ОМ (2 орын), №68 МББК (3 орын); орыс лигасының  командалары: №9 гимназия (Гран-при), №93 гимназия (1 орын), №38 гимназия (2 орын), №97 гимназия (3 орын) ие болды. Сонымен қатар, турнирдың үздік спикерлері атанды: Алихайдарова Г. (№68 МББК), Аденов Қ. (№61 ОМ), Мұратов Ж. (№41 ОМ), Сосулина А. (№3 гимназия), Фатеева К. (№38 гимназия), Жилкибаева М. (№38 гимназия).

2013-2014 оқу жылында «Ұлттық біліктілікті көтеру орталығы «Өрлеу»» АҚ  бес бағытқа бағытталған «Жыл әдіскері» атты республикалық конкурс өтті. •     мектеп дейінгі білім беруге жетекшілік ететін аудандық (қалалық) әдіскерлер арасында; •    жалпы орта білім беруге жетекшілік ететін аудандық (қалалық) әдіскерлер арасында; •    техникалық және кәсіптік білім беру әдіскерлері арасында; •    қосымша білім беру ұйымдары әдіскерлері, ЖОО әдіскерлері мүшелерінің арасында; Конкурс кезең бойынша өткізілді. Қалалық кезеңде жалпы 3331  оның ішінде  білім бөлімінен 314 әдіскер қатысты. Бес кезеңнен тұратын қалалық кезең өз қарауына «Портфолио», әдістемелік жұмыстың өзіндік презентациясы, авторлық әдістемелік жұмыстарды қорғау, ғылыми-практикалық мақалаларға пікір білдіру және т.б. кезеңдерді қарастырды.  Қарағанды қаласынан конкурска қаланың білім бөлімінен мектепке дейінгі білім беру әдіскері А.С.Базарбай, шет тілінен В.И. Разумова сонымен қоса БжәнеЖС-ның  қосымша білім беру әдіскері Ю.С.Благодарных қатысты.  Қатысқандардың үшеуі де өз бағыттарына сәйкес облыс қорытындысы бойынша бірінші орынға иеленді.  Алматы қаласында 1-2 қазанда өткен республикалық кезеңде Қазақстанның барлық  облыстарынан 89 мықты әдіскерлер қатысты. Қарағандылықтар «Жаңашыл әдіскер»  (қосымша білім беру, БжәнеЖО әдіскері Благодарных Юлия Сергеевна), «Көшбасшы-әдіскер» (мектепке дейінгі білім беру әдіскері Базарбай Алия Санатовна), «Шебер-әдіскер» ( жалпы орта білім беру әдіскері Разумова Валентина Игнатьевна) номинациялары бойынша жүлдегер атанды.  Олар «Ұлттық біліктілікті көтеру орталығы «Өрлеу»» Акционерлік Қоғамы атынан мақтау қағаздары және бағалы...

2013 жылғы 29 қазанда Балалар мен жеткіншектер сарайында  Қарағанды қаласының білім бөлімі республика бойынша жыл сайын атап өткізілетін «Қамқоршылар күніне» арналған жалпықалалық мереке өткізді. Мерекеге өздерінің қамқорлығындағы балалардың тәрбиесі мен жан-жақты дамуына үлес қосқан қамқоршылар мен қорғаншылар және патронаттық тәрбиешілер, білім ұйымдарының мұғалімдері, әлеуметтік педагогтары қатысты. Мереке барысында білім бөлімінің басшысы Д.Ш.Жекебаев құттықтау сөз сөйледі. Мереке құрметіне қамқоршыларға, оның ішінде жас қорғаншыларға Қарағанды қаласы әкімінің, Қарағанды облысы балалар құқықтарын қорғау басқармасының және Қарағанды қаласы білім бөлімінің алғыс хаттары табысталды. Сонымен қатар, ісшара барысында қала мектептерінің үздік әлеуметтік педагогтары алғыс хатпен марапатталды. Қорғаншылар мен олардың қамқорлығындағы балалардың музыкалық құттықтаулары мен өнерлері мерекенің сәнін келтірді. Қамқоршылар күніне арналған мерекелік ісшаралар осы күні қаладағы  барлық білім ұйымдарында өткізілді.

       Дарындылықты дамытудың мемлекеттік бағдарламасын жүзеге асыру аясында Қарағанды қаласының әкімшілігі осымен 7 жыл бойы қала мектептерінің   әртүрлі ғылым, өнер және спорт бағыттарындағы дарынды оқушыларды демалдыру және сауықтандыруға қажетті қаражат бөліп келеді.       2013 жылдың 17-27 қазан аралығында өзінің мәңгілік жасыл табиғи байлығымен ерекшеленетін және ең керемет жерлердің бірі болып саналатын Бурабай шипажай аймағындағы Қатаркөл өзенінің жағасында орналасқан «Discovery-Borovoe» атты көңіл көтеру-сауықтандыру орталығына Қарағанды қаласының білім бөлімімен  168 оқушы жіберілді.     Орталықта балаларға емдеу қызметтері (массаж, фитотерапия, физиопроцедуралары, ЛФК, магнитотерапия, шунгитотерапия, парафинотерапия), бағдарламалық материал бойынша ұстаздар қатысуымен өтетін дамытушылық сабақтар, таза ауада серуендеу, ойындар, спорттық сабақтар,би кештері мен әртүрлі қызықты көңіл көтеру іс-шаралары ұсынылады.

1-30 қыркүйек аралығында өткен «Мектеп - шағын өмір» дәстүрлі байқауы оқушылар ғана емес ата-аналар, ұстаздар арасында да үлкен қызығушылық тудырып отыр.   Байқаудың басты мақсаты білім мен эстетикалық тәрбие беру саласында   қауіпсіз психологиялық жағдаяттың болуына қолдау көрсету.  Байқауға қатысушылар қатарын қаламыздағы  білім беру ұйымдарының 9-11 сынып оқушылары, ата-аналар, ұстаздар, мектеп бітіруші түлектер толықтырды. Байқауға 150-ден астам оқушылар мен 44 білім беру ұйымдарының оқытушылары қатысты.  Байқаудың жеңімпаздары мен орын иегерлері   І,ІІ және ІІІ дәрежелі Дипломдарымен марапатталды. Әр номинацияның жеңімпазы иеленген басты жүлде – «Оскар» болды.    келесi...

16 қазанда «№97 гимназия» КММ – де мектеп директорларына арналған «Система работы директора школы по управлению инновационным учебно- воспитательным процессом» тақырыбы бойынша семинар өтті. Семинарда мектеп директорлары, директорлардың орынбасарлары және білім бөлімі бастағының орынбасары Р.А.Кенешова  қатысты. Семинарда гимназия директорының ғылыми-әдістемелік процесін ұйымдастырудың жүйесі, өкілеттіліктерді тапсыру, білім сапасы мониторингінің формалары, өзара сабаққа қатысу жұмысының сапасы, гимназияның ғылыми-әдістемелік қызметінің  жұмысы, тәрбие жұмысын ұйымдастырудағы жаңа көзқарастар  туралы мәселелер қарастырылды.

Қарағанды қаласының білім бөлімі сіздерді кәсіби мерекелеріңізбен - Мұғалімдер күнімен шын жүректен құттықтайды! Ұстаз- рухы таза, ой-өрісі биік, ұлты мен Отанының болашағы үшін тер төгіп, шыдамдылық пен табандылықтың үлгісін көрсетуші, өз бойындағы асыл қасиеттері мен білімін болашақ ұрпақтың бақыты мен кәдесіне жаратып, қоғамды өрге өркендетуші, жаңашылдықтың бастаушысы, жүрегі-жылы, көңілі -дарқан адам. Ұстаздар қайырымдылық, даналық, ізгілік сияқты мәңгілік ұғымдырды адамдарға жеткізушілердің  бірі де бірегейі  деп білеміз. Қымбатты әріптестер, сіздерге зор денсаулық, мол бақыт және отбасыларыңызға құт-береке тілейміз! Өскелең ұрпақты тәрбиелеу ісінде сіздерге табысты еңбек, қажымас қайрат және жаңа шығармашылық жетістіктер тілейміз! Білім көшін жылжытып келе жатқан ұстаздар қауымына құрмет арта берсін! 

Білім қызметкерлерінің кәсіби мерекесі - Мұғалімдер күні қарсаңында С. Сейфуллин атындағы  Қарағанды облыстық қазақ драма театрында «Қарағанды қаласының жыл мұғалімі - 2013» қалалық байқаудың қорытындысын шығару бойынша 2 қазанда салтанатты ісшара өткізілді.  Мерекеге орай қаланың мұғалімдер қауымын Қарағанды қаласының әкімі М.А. Смағұлов, «Нұр Отан» ХДП қалалық филиалының төрағасы Б.В. Зорин  құттықтап, білім беру ұйымдарының басшыларына, қала мұғалімдеріне және педагогикалық еңбек ардагерлеріне Құрмет грамоталарын, алғыс хаттарын табыс етті. Ісшара барысында аталған байқаудың финалына өткен 7 педагог «Өзім туралы айтамын...» атты соңғы кезеңге қатысып, қазылар алқасының шешімімен әртүрлі номинацияларда дипломдармен және 50 мың теңге ақшалай сертификаттармен марапатталды: «Салт-дәстүрді сақтаушы» номинациясында №41 ОМ тарих пәнінің мұғалімі Оспан Д., «Зеректігі мен тапқырлығы үшін» номинациясында №30 ОМ бастауыш сынып мұғалімі Жданюк И., «Жаңашыл мұғалім» номинациясында №15 ОМ биология және химия пәндерінің мұғалімі Жидкова Н., «Тәжірибешіл мұғалім» номинациясында №9 гимназияның орыс тілі мен әдебиет пәнінің мұғалімі Сорокина Е., «Бірегейлігі мен шығармашылығы үшін» номинациясында №4 орта мектебінің орыс тілі мен әдебиет пәнінің мұғалімі Сагиева А., «Оnline-дауыс беру бойынша жеңімпаз» номинациясында №101 мектеп-лицейдің бастауыш сынып мұғалімі Манас Р.   келесі...

Биылғы жылы «Өрлеу» Ұлттық білім көтеру орталығы» АҚ бастамасымен бес бағыт бойынша, дәлірек айтқанда мектепке дейінгі білімді жетекшілік ететін аудандық (қалалық) әдістеме кабинеттері әдіскерлерінің, жалпы білім беру мекемелеріне жетекшілік ететін аудандық (қалалық) әдістеме кабинеттері әдіскерлерінің, техникалық және кәсіби білім беру әдіскерлері, қосымша білім беру ұйымдары әдіскерлері және жоғарғы білім беру орындарындағы әдістемелік бюро мүшелері арасында өткізілді. Байқау мемлекетіміздің білім жүйесіндегі әдіскерлердің кәсіби шығармашылық деңгейі мен әлеуетін  көтеруге бағытталған 5 кезең тапсырмаларын орындау арқылы өткізілді. Бірінші «сырттай» кезеңінде әдіскердің өзіндік тұсаукесері түрінде «портфолиосы»  және  «үй тапсырмасы» жұмысы қарастырылды. Байқаудың келесі кезеңдерінде үміткерлер қазылар алқасына әдістемелік әзірлемелерін ұсынды, ғылыми-практикалық мақалаларға жазған пікірлерін тапсырды, заманауи білім берудің басты бағытындағы шеберлік-сынып тұсаукесерлерін қорғады және әдістемелік ісшараларды өткізудегі ұйымдастыру технологияларын ашып көрсетті.  Қарағанды қаласынан байқауға мектепке дейінгі білімді жетекшілік ететін әдіскер Базарбай А.С., шет тілдерді жетекшілік ететін әдіскер Разумова В.И., қосымша білім беру ұйымының әдіскері Благодарных Ю.С. қатысты. Барлық әдіскерлер байқаудың облыстық кезеңінің жеңімпаздары болып атанды. Олар ағымдағы жылдың қазан айында Алматы қаласында өтетін республикалық кезеңде облыс намысын қорғайтын болады.