Жаңа оқу жылы қарсаңында 2015 жылдың 28 тамызында балалар мен жеткіншектер Сарайында кәмелетке толмағандар арасында құқық бұзушылықты, есірткі заттарды қолданудың және өзіне-өзі қол жұмсаудың алдын алу мәселесі бойынша қалалық ведомствоаралық кеңес өткізілді. Кеңес жұмысына Қарағанды қаласы әкімінің орынбасары И.Ю. Любарская, Қарағанды қаласы білім бөлімінің және ІІБ басшылығы, Қарағанды облысы ІІД өкілдері, қаланың білім беру ұйымдарының директорлары, тәрбие ісі жөніндегі орынбасарлары және әлеуметтік педогогтар, полиция бөлімшелердің инспекторлары қатысты. Кеңес барысында ІІБ басшылары, облыстық ІІД өкілдері, «Мир добра» ҚБ психотерапевтінің өткізіліп жатқан алдын алу жұмыстары туралы баяндамалары тындалынды. Кеңес жұмысының қорытындысы бойынша кәмелетке толмағандардың арасында құқық бұзушылықтың алдын алу жөніндегі жұмыстың тиімділігін жоғарлатуға және ата-аналар қауымдастығымен байланысты күшейтуге бағытталған ұсыныстар берілді. 

Қарағанды қаласының білім бөлімі 2015 жылғы 26 тамызда №77 МББК базасында Қарағанды қаласы әкімінің орынбасары И.Ю. Любарскаяның қатысумен ағымдағы жылдың 01 тамыздан бастап 30 қыркүйекке дейін өткізіліп жатқан «Мектепке жол» атты жалпы республикалық акциясы аясында кезекті қайырымдылық ісшарасын өткізді.  Акция аясынада көптеген демеушілер әлеуметтік қорғалмаған отбасыларынан шыққан 1500 жуық балаға кеңсе жабдықтары, мектеп және спорттық формалар түрінде көмек көрсетті.  Қайрымдылық ісшара барысында жаңа оқу жылына 70 астам балаға сыйлықтар табыс етілді. Демеушілер ретінде ісшараға «Еуразиялық банкі» АҚ, «Сбербанк» АҚ, «Дельта банк» АҚ өкілдері, жеке кәсіпкер Буденкова С.П., қалалық мәслихат депутаты Мұқтаров Ж.А., сонымен қатар «АРС» сауда үйінің өкілдері қатысты.   «Мектепке жол» акциясы аясындағы мектеп жасындағы балаларды білім ұйымдарында оқумен қамту және оларға әлеуметтік қолдау көрсету жөніндегі ісшаралар  жалғасуда.

Жаңа оқу жылының алдында дәстүрлі түрде білім беру жүйесі педагогикалық қызметкерлерінің тамыз мәжілісі өткізіледі. Бұл Қазақстан Республикасының білім беру жүйесін жаңғыртудағы мемлекеттік саясаттың басым бағыттарын іске асыру үшін берілетін бастама. 2015 жылғы 14 тамызда Қарағанды қаласында  «Білім беру мазмұнын жаңарту: болашаққа бағдар» тақырыбында тамыз мәжілісі өтті. Талқыланатын негізгі бағыттар Қазақстан Республикасының білім мазмұнын жаңарту, оқыту және тәрбие берудегі жаңашыл көзқарастар, білім сапасын арттыру және оқушылардың функционалдық сауаттылығын дамыту,  «Мәңгілік Ел» атты жалпыұлттық идеяны өмірге ендіру арқылы қазақстандық патриотизмді тәрбиелеу мәселелері және т.б. болды. Қарағанды қаласы әкімдігінің (Бейбітшілік гүлзары, 39 үй) мәжіліс залында сағат 9-30 да өткен пленарлық отырыста модератор - қала әкімі Нұрлан Ерікбайұлы Әубәкіров  қатысушылардың назарын қаланың білім беру жүйесін жаңартудағы өзекті мәселелерге аударды, өткен оқу жылының кейбір мәселелерін қорытындылады.      Мәжілістің құрметті қонағы Республикалық оқу Ассоциациясының атқарушы директоры Зейнегүл Копбаева; «Өрлеу» БАҰО АҚ филиалының директоры Саулеш Муканова, Қарағанды қаласы кәсіпкерлер Палатасы филиалының директоры Дияр Бақытұлы Ақпаров, сондай-ақ  білім беру ұйымдарының басшылары, педагогикалық еңбектің ардагерлері, кәсіподақ ұйымдарының өкілдері және т.б. болды.   Мектеп, мектептен тыс ұйымдар мұғалімдері, балабақшалар тәрбиешілері үшін секциялық отырыстар күннің екінші жартысында қаланың 21 білім ұйымдарында өтті.  Мұнда оқу пәндерін оқытуды жетілдіру бойынша практикалық қадамдар, үздік алғы педагогикалық тәжірибе, өскелең ұрпақты оқыту мен тәрбиелеудегі өзекті мәселелер талқыланды.

Қарағанды қаласы білім бөлімінің ұйымдастыруымен 2015 жылдың 5 тамызы №15 орта мектебінде «Мектепке жол» жалпыреспубликалық қайырымдылық акциясы аясында  Октябрь ауданының «Нұр Отан» филиалы төрайымының орынбасары Бахытжан Аманжолова мен ювиналдық полиция аға инспекторы Жанар Жанпейсованың қатысуымен пресс-конференция өткізілді.  Биылғы жылы бұл акция «Балаларға бірге көмек берейік!» ұранымен өткізілуде. «Мектепке жол» акциясы әлеуметтік себептері бойынша балалардың мектепке келмей қалуларын алдын алуға және жаңа оқу жылына дайындық барысында балаларға әлеуметтік көмек көрсетуге бағытталған. Пресс-конференция барысында спорсорлардың көмегімен  20-ға жуық әлеуметтік қорғалмаған отбасыларынан шыққан балаларға оқу-құралдары, рюкзактар, мектеп және спорттық киімдер түрінде сыйлықтар берілді. Балаларға спонсорлық көмекті  «Сау ұрпақ» қоғамдық бірлестігі, Қарағанды құю-машина жасау зауыты, «Береке» ЖШС, «Арай» базары, ЖК «Келимбетов», қала мектептерінің қорғаншылық кеңестері көрсетті.    Конференция соңында білім бөлімі қала кәсіпкерлерін «Мектепке жол» акциясына белсенді қатысуға шақырды.

Жыл сайын балалар мен жеткіншектерді сауықтыру, өскелең ұрпақтың арасында салауатты өмір салтын және белсенді бос уақытты насихаттау мақсатында Бұқар-Жырау ауданының Асыл кентінде орналасқан №2 өнер мектебінің «Салют» балалар сауықтыру орталығында оқушылардың демалысын ұйымдастыру бойынша белсенді жұмыс атқарылады.  Ағымдағы жылдың маусым айында орталықта 400 жуық балалар демалып үлгерсе, қазіргі таңда демалыпен және сауықтыруымен тағы 375 бала қамтылуда. Тәжірибелі педагогтар мен тәрбиешілердің әзірлеген оқыту-сауықтыру бағдарламасы байқаулар, дискотекалар, спорттық эстафеталар, викториналар, ойындар, мәдени-танымдық ісшаралар, балалардың қызығушылықтары бойынша сабақтардан тұрады. Орталықта балалардың шығармашылық қабілеттерін жетілдіру және дамыту үшін әртүрлі үйірмелер жұмыс жасайды.  Орталық аумағында балаларға арналған футбол, волейбол, баскетбол, үстел теннисі бойынша спорттық алаңдар және заманауи жүзу бассейні бар.  2015 жылдың жаз маусымында «Салют» орталығында жалпы 4 ауысымда 1,5 мың баланың қамтылуы жоспарлануда.

Балалар мен жеткіншектер Сарайы Қарағанды қаласы білім бөлімінің қолдауымен Астана күнін мерекелеу аясында 2015 жылдың 6 шілдесінде мектеп жанындағы лагерлерге барып жүрген балалардың қатысуымен тақырыптық ісшаралар ұйымдастырды. Астана күніне орай жылдам шахматтар Кубогына ойындар, сонымен бірге «Бақытты балалықтың елі - егеменді  Қазақстан» тақырыбындағы асфальтта сурет салу конкурсының ұйымдастырумен  «Менің үйім! Менің тағдырым! Менің Қазақстаным!» атты мерекелік бағдарлама өткізілді. Мерекелік ісшараларға қатысушылар алдында балалар мен жеткіншектер Сарайының тәрбиенушілері, анық айтқанда «Ритмы» спорттық бал биі студиясының, «Кристалл» спорттық бал биі үйірмесінің қатысушылары, сонымен қатар «Наз қоңыр» және «Бозторғай» вокал студияларының жетекшісі М. Мауиянов өз өнерлерін көрсетті.  Сонымен бірге, мерекеге қатысушылардың барлығы «Астана қаласына сырттай саяхат» атты ойын интеллектуалды викторинасына қатысты.   Астана күнін мерекелеу аясында әртүрлі тақырыптық және мерекелік ісшаралар барлық мектеп жанындағы және бейіндік лагерьлерде де өткізілді

2016 жылдың 1 қаңтарынан Қарағанды қаласының 44 орта мектебі жан басына қаржыландыру бойынша пилоттық жобаға енеді. Жаңа жоба 10-11 сыныптарда білім беру үрдісін қаржыландыруға байланысты болады. 2015 жылдың 24 маусымында ҚР БҒМ жанындағы «Қаржылық орталық» АҚ президенті Р.Е.Әліпқұловтың қатысуымен орта мектептердің басшыларымен  өткен жиналыстажанбасына қаржыландыруды енгізу мәселелері қарастырылды. Жан басына қаржыландырудың мәні –  білім ұйымдарын қаржыландырудан оқушыларға білім беруге жұмсалатын қаржыны санына байланысты бөлуге көшу.  Жан басына қаржыландырудың негізінде «оқушыға тіркелген қаржы» жатыр. Білім үрдісін қаржыландыру (жалақы, оқуға жіберілетін шығындар, оқулықтар) республикалық бюджет есебінен жүзеге асырылады. Білім беру үрдісін қаржыландыру көлемі мектеп оқушыларының санына байланысты болады. 

Жаз мезгілінде балалардың демалысын, сауығуын және жұмысбастылығын ұйымдастыру жөніндегі ісшаралар аясында Жас натуралистер Станциясымен жазғы еңбек лагерінің жұмысы ұйымдастырылды. Ағымдағы жылдың маусым айынан бастап аталған еңбік лагерінің ісшараларымен, сонымен бірге агробиологиялық участкідегі практикамен 200 астам бала қамтылды. Балалар әртүрлі өсімдіктерді отырғызу технологиясымен, оларды күтіп баптаумен шын көңілдерімен айнасылады, сонымен қатар Жас натуралистер Станциясының жұмысымен танысады. Еңбек лагері өз жұмысын жаздың қалған айларында да жалғастырады

Білім бөлімі бес жылдан бері рейтинг арқылы оқу жылының қорытындысын шығаруда. Бұл әдіс әр білім ұйымының даму қарқынын бақылауға, олардың менеджментін жетілдіруге, жарыс жағдайын туғызуға, әдістемелік және тәрбие жұмысын жандандыруға, білім ұйымдарының бәсекеге қабілеттілігін арттыруға мүмкіндік береді.   2015 жылдың 19 маусымында № 93 гимназия ғимаратында өткізілген білім бөлімінің кеңесінде Қарағанды қаласы білім ұйымдарының 2014-2015 оқу жылына рейтинг қорытындысы шығарылды. Білім бөлімінің басшысы Д.Ш.Жекебаев 5 жылдық рейтингтің қорытындысын талдай келе, соңғы 5 жыл ішінде қаланың білім жүйесінің негізгі көрсеткіштері, дәлірек айтқанда, білім сапасы, ҰБТ қорытындысы, оқушылар мен педагогтардың жетістіктері жақсарғанын атап кетті.  Рейтинг қорытындысы бойынша: № 101 МЛ, № 38, 39, 92, 93 гимназиялар, № 66, 23, 15 орта мектептер, № 34, 37 негізгі мектептер, «Бәйтерек», «Алпамыс» балабақшалары, № 33, 51 мектептер жанындағы шағын орталықтар, № 2 өнер мектебі, балалар мен жеткіншектер сарайы, № 2 музыка мектебі үздік оқу орындары деп танылды.     Рейтингтегі жоғары көрсеткіштері үшін № 9, 45 гимназиялар, № 2, 57 лицейлер, № 32, 76, 41 орта мектептер, № 53 мектеп-лицей, № 4 мектеп интернаты, «Арман», «Ертөстік»,  «Куаныш» балабақшалары аталып өтілді. Кеңес соңында Қарағанды қаласы әкімінің орынбасары И.Ю.Любарская білім бөлімі қызметіндегі жағымды өзгерістерді атап, білім ұйымдарының басшыларын оқу жылының табысты аяқталуымен құттықтады.   

Қарағанды қаласының білім бөлімі Қарағанды қаласының төтенше жағдайлар жөніндегі Басқармасымен бірлесіп, 2015 жылдың маусым айынан бастап мектепішілік және бейіндік лагерьлерге қатысып жүрген балалар үшін «Қауіпсіз жаз» атты акция аясында қауіпсіздік техника жөнінде алдын ала ісшараларды ұйымдастыру бойынша жұмыс атқаруда. Ағымдағы жылы алғашқы алдын алу ісшаралары 400 астам бала қамтылған №53 мектеп-лицейде және №93 гимназияда өткізілді.  Аталған ісшаралар барысында төтенше жағдайлар Басқармасының қызметкерлері, судан құтқару қызметінің мамандары, сонымен қатар Қызыл ай қоғамының өкілдері балаларға суда жүру ережелерін түсіндіріп, зардап шеккен жағдайда алғашқы көмек көрсету тәсілдерімен таныстырды. Сонымен қатар, ісшаралар соңында балалармен ойын викториналары мен байқаулар өткізіліп, суда жүру ережелері туралы мультфильм көрсетілді.   Жоғарыда аталған акция аясында алдын алу ісшаралары ағымдағы жылы жаздың барлық айларында өткізіледі.

Үстіміздегі жылы Қарағанды қаласы мектептерін 11-12 сыныптың 2024 түлегі бітіріп жатыр. ҰБТ-ге 1660 түлек қатысады. Оның 594-і қазақ тілінде, 1066-сы орыс тілінде тест тапсырады. 46 түлек «Алтын белгіге» (2014 жылы – 39), 19-ы үздік аттестатқа үміткер (2014 жылы  – 23).  ҰБТ 3 және 5 маусым күндері ҰБТ пункттерінде: Қарағанды экономикалық университетте, Қарағанды техникалық университетте, Е.Бөкетов атындағы Қарағанды мемлекеттік университетінде өтеді.  3 маусымда:  ҚарМУ –№ 5, 15, 16, 23, 27, 35, 36, 41,46, 57, 59, 85, «Альтер» мектептер; ҚарМТУ –№ 17, 32, 77 мектептер мен ХБА лицей сыныптары; ҚЭУ –№ 1, 6, 10, 33, 48, 53, 54, 61, 68, 74, 82, 92, 93, 97, «Френдшип» мектептер.  5 маусымда: ҚарМУ–№ 39, 66, 81, 86, 101 мектептер. ҚарМТУ–№ 2, 3, 9, 12, 18, 25, 38, 52, 62, 63, 76, 88, 95 мектептер ҚЭУ–№ 30, 45, 58, 65, 83, «Диалог» мектептер Қала бойынша орташа ұпай – 82,6  (2014 ж. - 80,4) Ең жоғарғы көрсеткіш №  93  гимназияда - 103.   

Қарағанды қаласы білім бөлімінің бастамасымен 2015 жылғы 01 маусымда қаладағы білім беру ұйымдарында балаларды қорғау Халықаралық күніне арналған «Қазақстан балалары - Нұрлы жолмен!» атты жалпы республикалық акция аясында балалар мен жасөспірімдер үшін мектепішілік және бейіндік демалыс лагерьлерінің салтанатты ашылуы өткізілді. Балалармен жазғы уақытта жұмыс жасаудың мақсаты олардың  демалуын, сауығуын, бос уақыттарын ұйымдастыру үшін тиімді шарттарды жасау, құқық бұзушылықтың алдын алу, балалардың арасында салауатты өмір салтын насихаттау болып табылады. Ағымдағы жылдың жазғы айларында мектепішілік және бейіндік, оның ішінде лингвистикалық, экологиялық, өлкетану, спорттық және туристік, сонымен бірге болашақ бірінші сынып оқушылары үшін - «развивайка», «бөбектер мектебі» атты лагерьлерде және басқаларында 50 мыңға жуық балалардың демалысы ұйымдастырылады.   Мектепішілік және бейіндік лагерьлердің бағдарламасына әр түрлі, оның ішінде 2015 жылдың мерейтойларына арналған ісшаралар: шығармашылық және музыкалық конкурстар, кездесулер, викториналар, ойындар, спорттық сайыстар, қаланың мәдени-сауықтыру орталықтарына бару, демалыс орындарына, саябақтарға, кинотеатрларға, хайуанаттар бағына экскурсиялар және басқалары енгізілді. Сонымен қатар, жаз айларында мектептішілік және бейіндік лагерьлерге барып жүрген балалармен «Қауіпсіз жаз» акциясы аясында қауіпсіз жүру, оның ішінде суда, су қоймалары жанында, қоғамдық көлікте, темір жолда және басқаларында нұсқаулықтар және алдын алу сабақтары өткізіледі.   Сонымен бірге, балалардың бос уақыты мен демалысы жаз айларында көгалдандыру бригадаларында,  жөндеу-құрылыс жасақтарында, жазғы мектепте, балалар және жасөспірімдер клубтарында, үйірмелер мен секциядарда ұйымдастырылатын болады. Қосымша білім беретін ұйымдарда лагерьлердің және түрлі секциялардың...