Қарағанды қаласының білім ұйымдарында оқушыларды патриоттық тәриелеу және ұлтаралық келісім мен бірлікті насихаттау мақсатында Қазақстан Республикасы халықтарының тілдер күніне арналған мерекелік іс-шаралар өткізілді.
Облыстық тілдерді дамыту жөніндегі басқарама және Қарағанды қаласының білім бөлімі 2012 жылғы 14 қыркүйекте «Шалқыма» концерт залында оқушы және студент жастардың, қала мектептерінің педагогтары мен шығармашылық ұжымдардың, этносаралық орталықтары өкілдерінің қатысуымен «Тілдер фестивалі-2012» өткізді. Фестивальда әр тілдерде тақпақтар мен өлеңдер айтылып, ұлттық билер тамашаланды.
Сонымен қатар, оқушылар және мұғалімдер, ата-аналар қауымдастығының өкілдері 16 қыркүйекте балалар мен жеткіншектер Сарайында өткен «Өлең-сөздің патшасы» атты әдеби-саздық композицияға белсене қатысты. Аталған іс-шара барысында оқушылар «Гауһартас», «Перне саз», «Бозторғай» ансамбльдерінің шығармашылығымен танысты.
