Қарағанды қаласында 2012 жылғы 25-26 тамызда кеншілердің кәсіби мерекесіне арналған мерекелік іс-шаралар өткізілді.
Мерекелік іс-шаралардың бірінде ағымдағы жылдың 01 тамызынан бастап 30 қыркүйекке дейін республикада өтіп жатқан «Мектепке жол» атты жыл сайынғы акциясы аясында әлеуметтік қорғалмаған отбасыларынан 20 қарағандылық оқушы Қарағанды қаласының әкімі Б.Т. Әбдішевтің қолынан мектеп формасын және жазу жабдықтарымен рюкзактарды алды.
Акцияға тікелей қатысқан қала әкімі Б.Т. Әбдішев әлеуметтік қолдауға мұқтаж балаларға көмек көрсетуінің маңыздылығын көрсетті.
Қазіргі таңда «Мектепке жол» акциясы аясында түрлі демеушілермен және кәсіпкерлермен қала мектептеріндегі 2 мыңнан астам оқушыға көмек көрсетілді.
