Қарағанды қаласы білім бөлімінің бастамасымен 2012 жылғы 8 тамыз күні №27 орта мектебінде ағымдағы жылдың 1 тамызынан бастап 30 қыркүйекке дейін өткізілетін жалпы республикалық «Мектепке жол» атты акциясының өту барысы туралы қала тұрғындарын ақпараттандыру мақсатында баспасөз-конференциясы өткізілді.
Биылғы жылы бұл акция «Жақсылық жасауға асығайық!» ұранымен өткізілуде. «Мектепке жол» акциясы әлеуметтік себептері бойынша балалардың мектепке келмей қалуларын алдын алуға және жаңа оқу жылына дайындық барысында балаларға әлеуметтік көмек көрсетуге бағытталған.
Конференция жұмысында балалардың құқықтарын қорғау жөніндегі департаментінің, облыстық білім басқармасының өкілдері, демеушілер мен жебеушілер: «Қызыл жарты ай қоғамы» Республикалық қоғам бірлестігінің облыстық филиалы, «Кар Тел» ЖШС «Билайн» компаниясы, жеке кәсіпкерлер, БАҚ, сонымен қатар қала мектептерінің педагогтары қатысты.
Конференция барысында әлеуметтік көмекке мұқтаж 30-дан астам балаларға демеушілер мектеп және спорттық формасын, мектеп-жазу құралдарын табыс етті.
Конференция соңында білім бөлімі қала кәсіпкерлерін «Мектепке жол» акциясына белсенді қатысуға шақырды.
