Баланың отбасында тәрбиеленуі-әр баланың ажырамас құқығы және баланың толыққанды қалыптасуы мен дамуының маңызды факторы.
Мемлекет кәмелетке толмаған балалардың өз елінде өмір сүру және қазақстандық отбасыларда тәрбиелену құқықтарын қорғау үшін барлық жағдайларды жасауда. Бала асырап алуға үміткерлер үшін өтініш беру рәсімдері жеңілдетілді және ақпараттандырылды, жетім балалар мен ата-анасының қамқорлығынсыз қалған балалардың республикалық деректер банкі құрылды, онда бала асырап алуға үміткерлер құжаттарды тапсырғаннан кейін балалардың сауалнамаларымен таныса алады. Қарағанды қаласында балаларды отбасына қабылдау үшін азаматтарға психологиялық және заңгерлік көмек көрсететін асырап алушы ата-аналар мектебі жұмыс істейді.
Қазіргі уақытта мемлекеттік балалар мекемесіндегі балаларды отбасыларға орналастырудың түрлерін дамыту бойынша жұмыстар жүргізілуде.
Орналастырудың отбасылық нысандары-бұл қорғаншылық және қамқоршылық, патронаттық тәрбие, бала асырап алу, отбасы үлгісіндегі балалар үйлері, қабылдаушы және қонақжай отбасылар.
"Қарағанды қаласының білім бөлімі" ММ-нің қорғаншылық және қамқоршылық секторының мамандары Сізге балалар үйлерінен балаларды отбасына орналастыру мәселелері бойынша барлық қажетті кеңесті ұсынады.
