«Мектепке жол»

Жыл сайынғы жалпы республикалық «Мектепке жол» акциясы 2012 жылғы 1 тамызда басталып, 30 қыркүйекте аяқталады. 

Дәстүр бойынша акция барысында мектеп жасындағы балаларды білім ұйымдарында оқумен қамту, әсіресе күн көрісі төмен отбасылардан шыққан балаларға әлеуметтік көмек көрсету жөніндегі іс-шараларды өткізу жоспарлануда. 

Былтыр Қарағанды қаласы бойынша акция барысында 5794  балаға 9938,4 мың теңгеге  материалдық көмек көрсетілді. Оның ішінде демеушілер мен меценаттар 3239,9 мың теңгеден астам сомаға көмек көрсетті. 

Рейдтер барысында әлеуметтік себептермен мектепке бармаған балалар анықталып, әрі қарай білім алуларына жағдайлар жасалды. 

Биылғы оқу жылында республикалық акция «Жақсылық жасауға асығайық» үндеуімен өтеді. 

Акцияны 2012 жылы тиімді ұйымдастыру мақсатында мектеп акцияларын ұйымдастыру және өткізу жөніндегі қадамдық жоспар әзірленді. 

Акцияға бизнес-құрылымдарын, үкіметтік емес ұйымдарды және мемлекеттік органдарды тарту мақсатында алдын ала PR-науқандарды, білім ұйымдарында акция туралы стендтер түрінде ақпараттық бұрыштарды құрылды, билбордтарды, баннерлерді, тартылмалы жазулар орнатылады, акция логотипі басылған арнайы қағаздар, плакаттар таратылады.

Бұдан басқа, азаматтардың өтініштерін жедел қарастыру үшін білім ұйымдарында шұғыл желілердің, «сенім» телефондарының, қоғамдық қабылдаулардың жұмысын үздіксіз ұйымдастырылды: 343915, 343886. Әр мектепте киімдерді қабылдау пунктілері ашылды.

Жалпы, мектеп жасындағы барлық балалар, оның ішінде аз қамтылған, көп балалы, жайсыз, толық емес, ерекше қажеттілігі бар балалардың, жетім балалар мен ата-анасының қамқорынсыз қалған балалардың, девиантты мінез-құлықты, тәуекел тобындағы және өзге де әлеуметтік осал топтағы балалардың оқумен қамтылуына жағдай жасау жөніндегі жан-жақты шаралар қабылданады.