Жалпы білім беретін пәндер бойынша қашықтан 5-6 сынып оқушылары арасында Республикалық олипиада бастау алды

   Мектеп оқушыларының жалпы білім беретін пәндер бойынша Республикалық олипиадасы – бұл  қоғамның зиялы  буын өкілдерін қалыптасырудың тиімді жолы. Олимпиада-талантты жастарды анықтауға,  дарынды жастардың әрі қарай дамуына жағдай жасайды, оқушылар  мен олардың ұстаздарының жаңа қырынан  көрінуіне жол ашады,  мектеп оқушыларын  зияткерлік іс-әрекетте біріктіреді.
     Пандемия жағдайына байланысты биылғы оқу жылында 5-6 сынып мектеп оқушыларының  республикалық олимпиадасы қашықтық режимінде 3 кезеңде келесі пәндер бойынша өтеді: математика, жаратылыстану, қазақ тілі және әдебиеті, орыс тілі және әдебиеті, ағылшын тілі, Қазақстан тарихы.
     2020 жылғы 24 қазанда Қарағанды қаласының білім беру ұйымдарында олимпиаданың І кезеңі  (мектепішілік) өткізілді. Оған 5-6 сыныптың  4493 оқушылары қатысты. 
     2020 жылдың қазан айында 1500-ден астам мектепішілік  олимпиаданың жеңімпаздары  өз мектептерінің намысын  аталмыш олимпиданың  қалалық кезеңінде қорғайтын болады.
    Қарағанды қаласының білім бөлімі оқу жылында біздің мектеп оқушылары алда тұрған қалалық олимпиадада ғана емес, сондай-ақ облыстық, республикалық олимпиадаларда да Қарағанды қаласының намысын қорғайды деп сенім білдіреді. Барлық олимпиадаға қатысушылар мен олардың тәлімгерлеріне табыс, шығармашылық жеңіс тілей отырып, биік белестерді бағындыра беріңіздер дейміз.
28.10.2020 17:02