Сіздерді кәсіби мерекелеріңіз – Мұғалімдер Күнімен құттықтаймыз!
Әлемнің жүзден астам елінде қазан айының алғашқы күндері мұғалімдерге құрмет көрсетіледі. Себебі, жер бетінде мұғалім болудан, жас ұрпақты тәрбиелеуде, тәжірибе мен білім беруде маңызды, асыл мамандық жоқ.
Педагогикалық шеберлік пен даналық біздің елімізде шексіз құрметке ие. Сіздер тиянақты және жауапкершілікті болуға, ойдың, шығармашылықтың, ғылыми ізденістің еріктілігіне үйретесіздер және өздеріңіз үнемі дамып, алға жүресіздер. Оқушыларға жүректеріңіздің бір бөлігін, кітаптан алатын білім, біліктен де жоғары дүние беретін, өз ісінің нағыз мамандары, жарқын тұлғалар. Шығармашылық қуат, өшпес оптимизм, ізгілік пен әділдік салтанат құруына деген сенім сіздің тәрбиеленушілеріңіздің табыстылығының кепілі болып табылады. Баланың алдында білім әлеміне есік аша отырып, ересек өмірге дайындай отырып, сіз оның болашағының, яғни, біздің еліміздің болашағының негізін қалап отырсыз...
Бүгінгі күні қала мектептерінде 7 мыңнан астам педагогтер қызмет етеді – бұл қатарда жас мамандар да, озық мамандар да бар. Бірақ білім саласында педагогикалық еңбек ардагерлері ерекше орын алады. Ұзақ жылдар көлемінде Сіздер бала тәрбиелеп және білім беріп еңбек еттіңіздер, Сіздердің белсенді қатысуларыңызбен білім саласын жоғарылатуда көптеген маңызды мәселелер шешілді, Сіздер алғашқылардың бірі болып білім саласында жаңа әдістердің, идеялардың және инновациялардың енгізілуіне жұмыс жасадыңыздар. Бұл жұмыс терең құрметке, шынайы таңдануға және ризашылыққа лайық.
Әріптестер! Сіздерге қуанышпен еңбек етуді, жаңа кәсіби шыңдарды бағындыруды, өз оқушыларыңыздың жетістіктерімен мақтануларыңызды тілейміз! Сізге және жақындарыңызға, отбасыларыңызға – амандық және өркендеуді тілейміз.
