2020 жылдың 27 тамызында, видеоконференция режимінде ZOOM қосымшасында «Қарағанды қаласы білім бөлімі» ММ «Facebook» ресми парақшасында, педагог қызметкерлерінің дәстүрлі тамыз кеңесі «Білім және ғылым: жаңа оқу жылының ерекшеліктері» тақырыбында болып өтті. Кеңестің модераторы Қарағанды қаласының әкімі Н.Е. Аубакиров болды.
Конференцияға мектеп, балабақша, қосымша білім беру ұйымдарының директорлары, инклюзивті білім беру педагогтары, директордың оқу-тәрбие жұмыстары бойынша орынбасарлары, педагогикалық қызмет ардагерлері қатысты. Жиналыстың құрметті қонақтары К.Б. Бексултанов – Қарағанды қаласы маслихатының хатшысы, Г.Ш. Кожахметова – Қарағанды қаласы Білім басқармасының басшысы, К.Н. Оспанов – Қарағанды қаласы Қоғамдық кеңесінің төрағасы, Э.А. Маликова– Қарағанды облысының іскер әйелдер қауымдастығының мүшесі, "Отбасы және балалар" бөлімінің басшысы, балалар қауіпсіздігі бойынша жобалардың үйлестірушісі, Ж.Е. Калиева– "Болашақ" корпоративтік қорының өкілі, "Әр бала мектепке лайық" инклюзивті білім беру жобасының үйлестірушісі, А.А. Елеусизова – «Қашықтықтан оқыту және Тестілеу Білімал (СДОТ) жүйесі» жобасының жетекшісі, В.Р. Лебедев – Worlddidac қауымдастығының ТМД және Қазақстан елдеріндегі өкілдігінің директоры.
Кеңес жұмысының нәтижесінде алдағы оқу жылының басымдықтарына назар аударылды.
Біріншісі-балалардың қауіпсіздігі.
Екіншісі-мектепке дейінгі білім берудің сапасы мен қолжетімділігі.
Үшіншісі-білім берудің тәрбиелік компонентін күшейту.
Төртіншісі-білім беру ұйымдарының ашықтығы мен тазалығы.
Бесінші-оқушыларды әлеуметтік қолдау.
Алтыншы-жобалық және зерттеу қызметі.
Жетінші-экологиялық тәрбие.
Сегізінші-көп балалы және аз қамтылған отбасылардың балалары үшін тегін қосымша білім алуға қолжетімділікті кеңейту.
Тоғызыншы - педагогикалық кадрлармен жұмыс.
Жаңа оқу жылы қарсаңында қала әкімі білім беру қызметкерлерін ҚР БҒМ ведомстволық наградаларымен марапаттады.
"Қазақстан Республикасы Білім беру ісінің құрметті қызметкері" төсбелгісімен "№88 ЖББОМ" КММ директоры В.Г. Долматов марапатталды.
Ыбырай Алтынсарин атындағы төс белгісімен "№12 ЖББОМ" КММ орыс тілі мен әдебиеті мұғалімі Ж.К. Маселов марапатталды.
Мектептердің, балабақшалардың, қосымша білім беру ұйымдарының 11 педагогы ҚР БҒМ Құрмет грамоталарымен марапатталды.
