Инклюзивті білім беруге арналған кабинеттерді жабдықтау

           Қарағанды қаласының білім бөлімі және ведомстволық бағыныстағы білім беру ұйымдарында Инклюзивті білім алуға ерекше қажеттілігі бар балалардың қоғамның маңызды және белсенді қатысушысы болуға мүмкіндік беретін қолайлы білім беру ортасын құруға бағытталған жұмыстар жалғастыруда.
          2019-2020 оқу жылының басынан бастап "№102 МГ" КММ және "№5 ЖОББМ" КММ базасында "Әрбір бала мектепке лайық" республикалық жобасының аясында "Болашақ" Корпоративтік қорымен бірлесіп 2 кабинет (инклюзивті қолдау кабинеті) ұйымдастырылды. Бүгінгі таңда аутизмі бар 18 балаға қолдау көрсетіледі. Әр балаға еріп жүретін тұлғалар, яғни тьюторлар бекітілген. 
      Сонымен қатар, биылғы оқу жылында "№ 25 ЖОМ" КММ және "№ 36 ЖББОМ" КММ базаларында "Дара" Қайырымдылық Қорының көмегімен инклюзивті білім беруді жүзеге асыру бойынша "ресурстық орталықтар" ашылды. Бұл орталықтар ерекше білім алу қажеттілі бар оқушыларымен және олардың ата-аналарымен, инклюзивті практиканы іске асыратын педагогтармен жұмысты қарастырады.
      Оқу жылының соңында бюджет қаражаты есебінен инклюзивті оқыту кабинеттері Қарағанды қаласының №№11, 54, 73, 83 мектептерінде жабдықталды.
      Кабинеттерді ашу мақсаты - ақпараттық және коммуникативтік кедергілерді жою, ерекше білім беру қажеттілігі бар балаларды мектеп өміріне қатыстыру үшін қолайлы жағдай жасау. 
      Кабинеттердің материалдық және әдістемелік жабдықталуы сүйемелдеу қызметінің жұмысын толық көлемде жүзеге асыруға мүмкіндік береді. Бұл заманауи кеңістік, ол 4 аймақты қамтиды: логопедиялық, психологиялық, релаксация аймағы және мұғалім-дефектолог аймағы. Олар ерекше дизайн және арнайы жабдықтармен қамтамасыз етілген.
      Бүгінгі күні қалада 8 инклюзивті кабинет жұмыс істейді. 2020-2021 оқу жылының басында тағы 7 инклюзивті оқыту кабинетін ашуды жоспарлап отырмыз. 
29.04.2020 15:18