Салауатты өмір салтын насихаттау

Салауатты өмір салтын насихаттау мақсатында  2020 жылдың                             14 ақпанында «№95 мектеп-гимназиясы» КММ -де «Біздің аулада» атты спорттық-зияткерлік шоу өтті.

Бұл іс-шараның басты мақсаты балалар арасында денсаулықтың негізгі құндылығы және оны нығайту мен сақтау екенін түсіндіру.

Шоудың форматында «екі аула» (9 және 10 сынып командалары)жарысқа түсті. Қатысушылар «Сәлемдесу» байқауында салауатты өмір салтына өз  көзқарастарын шеберлікпен көрсете білді,  зиянды әдеттер туралы психологиялық жағдаяттарды сараптап, көрермендерге денсаулықты сақтау туралы үндеу жолдады. Алкоголь мен темекінің зияндығы туралы  8 сынып оқушылары дайындаған жарнамалар өте жоғары деңгейде болды. Шоу «Денсаулық –зор байлық» деген плакаттар шеруімен аяқталды.

9 сынып командасы спорттық-зияткерлік шоудың жеңімпаздары атанды.

Жарысқа қатысушылар мен жанкүйерлер іс-шарадан үлкен әсер алды.

21.02.2020 10:38