«Бизнес START» I қалалық олимпиадасы

     2020 жылдың 17 ақпанында «Қарағанды қаласының білім бөлімі» ММ жоспарына сәйкес 10 сынып оқушылары үшін «Кәсіпкерлік және бизнес негіздері» пәні бойынша «Бизнес START»  I қалалық  олимпиада өткізілді. Олимпиада аясында табысты бизнесмен Fishnet және ONIX TV телекоммуникациялық компаниялар тобының бас директоры К. В. Степановпен кездесу ұйымдастырылып, ол өз ісі туралы идеяның қалай пайда болғаны, бизнесінің қалай құрылғаны, қандай критерийлер бойынша команданың іріктелгендігі туралы айтып өтті. "Не маңыздырақ - тәжірибе ме әлде мотивация ма?" деген сұраққа жауап берді. Үздік сұрақтар үшін кәсіпкер оқушыларды бағалы сыйлықтармен марапаттады. Ал, гимназия кітапханасына естелік ретінде «Не? Қашан? Қайда?» зияткерлік ойынының қатысушысы Максим Поташовтың жеке қолтаңбасы бар кітабы берілді. Сондай-ақ, «Кәсіпкерлік және бизнес негіздері» пәнінің мұғалімдері үшін бизнесмендердің, «Атамекен» кәсіпкерлер палатасы өкілдерінің, ЖОО өкілдерінің қатысуымен дөңгелек үстел ұйымдастырылды. Іс-шараға қатысушылар өздерінің әдістемелік тәжірибелерімен бөлісіп, «Кәсіпкерлік және бизнес негіздері» пәнін оқытудың тиімді әдіс-тәсілдерін анықтады.