02.02.2020 жылы Жалпы білім беретін №65 орта мектебінде «Алтын тойыңмен мектебім!» атты 50-жылдық мерейтойы аталып өтті. Қуанышты шараға қалалық білім бөлімінен, мектеп басшылары, «Қазақтелеком» ұйымынан, ардагер ұстаздар мен жұмыс атқаратын бір топ ұстаздар қауымы және мектеп түлектері қатысты.
Игі шара мектебіміздің түлегі, бокс королі Геннадий Генадиұлы Головкинге арналған фотоколлажды ашу рәсімінен басталды.
Қонақтар мерейтойға орай ұйымдастырылған оқушылардың қолымен жасалған қолөнер бұйымдарын, түлектер галлереясын, «Мектебім-алтын ұя бесігім» атты бұрышын тамашалап, өздері оқыған сынып кабинеттерін аралап, ұстаздарын жолықтырып, керемет әсерге бөленді. Шара мектеп акт залында өткізілген концерттік бағдарламамен ұласты.
Қарағанды қаласының білім бөлімі мектептің материалдық-техникалық базасын жабдықтау мақсатында 1миллион теңге сертификат табыстады және ұстаздарды марапаттау рәсімін өткізді.
