Қарағанды қаласының білім бөлімі және № 2 балалар музыка мектебі ЮНЕСКО клубымен біріге отырып, бірінші рет «Қарағанды дауысы-2019» вокалды байқауын өткізді.
Сайыскерлер үш номинация бойынша сайысқа түсті: «Дәстүрлі ән», «Академиялық вокал», «Эстрадалық вокал».
2019 жылғы 13 желтоқсанда іріктеу жарыстарының жеңімпаздары Қазақстан Республикасының Тәуелсіздік күніне арналған гала-концертке қатысты.
Байқаудың финалистері көрермендерге өздерінің жарқын өнерімен тағы да шығармашылық қуаныш сыйлады. №1 балалар музыка мектебінің оқушысы Алиева Томирис гран-при жеңімпазы болды. Құттықтаймыз!
