2019 жылдың 11 желтоқсаны күні Қарағанды қаласында «Ел ертеңі – болашақ жастардың қолында!» атты жас мамандардың бірінші слеті өткізілді.
Жас мамандар слеті Жастар жылының аясында жастарды жан-жақты қолдау және кадрлық потенциалын одан әрі дамыту, жас педагогті қолдау мен ынталандыру мақсатында ұйымдастырылды.
Слетке жас педагогтер, педагогикалық еңбек ардагерлері, педагогикалық шеберлік байқауларының жеңімпаздары қатысты.
Слеттің бірінші бөлімінде жас мамандарға өздерінің іс-тәжірибесімен, еңбек етудегі жетістіктерімен бөлісу үшін педагогикалық еңбек ардагерлері, «Үздік мұғалім», «Жыл мұғалімі» байқауларының жеңімпаздары, түрлі деңгейдегі сыйақы иегерлері шақырылып, кездесу ұйымдастырылды.
Сондай-ақ, «Педагогикалық қонақжайда» шеберлік сыныптар, жас мамандарға арналған психологиялық тренингтер, әдістемелік кеңестер өткізілді.
Слеттің екінші бөлімінде қала Әкімімен кездесу ұйымдастырылып, дөңгелек үстел барысында жас педагогтердің проблемасы, жақын және алыс шетелдерде кәсіби тағылымдамалардан өту арқылы педагогтің қалыптасуы мен дамуына практикалық көмек көрсету, жас педагогтің білім саласындағы шығармашылық бастамалары үшін Әкім сыйлығымен марапаттау мәселелері талқыланды. Жаңа 2020 жылға бастама, Қазақстандағы Еріктілер қозғалысының жылы жарияланады.
Жас мамандар слеті маңызды оқиғалардың бірі болды және педагогтің кәсіби өсуіне жол ашты. Барлығы 300-ден аса жас мамандар қатысты.
