«Мектепке жол» жалпыреспубликалық акциясына арналған қорытынды баспасөз-конференциясы

     2019 жылғы 30 қыркүйекте №3 гимназияда «Мектепке жол» жалпыреспубликалық акциясының қорытынды баспасөз-конференциясы өткізілді. 
     Жыл сайынғы жалпы жалпыреспубликалық «Мектепке жол» акциясы  биыл 2019  жылдың 1 шілдесінен 30 қыркүйекке дейін «Жүректен жүрекке» ұранымен өтті. 
     Дәстүр бойынша акция барысында мектеп жасындағы балаларды білім ұйымдарында оқумен қамту, әсіресе күн көрісі төмен отбасылардан шыққан балаларға әлеуметтік көмек көрсету жөніндегі іс-шараларды өткізу жоспарлануда. 
     Қайрымдылық ісшара барысында жаңа оқу жылы қарсаңында жылдан-жылға балаларға мектеп және спорттық форма, кеңсе жабдықтарымен бірге рюкзактар түрінде сыйлықтар табыс етіледі. 
     Бұдан басқа, азаматтардың өтініштерін жедел қарастыру үшін білім ұйымдарында шұғыл желілердің, «сенім» телефондарының, қоғамдық қабылдаулардың жұмысын үздіксіз ұйымдастырылды: 343413, 343719, 343528.  
     Жалпы, мектеп жасындағы барлық балалар, оның ішінде аз қамтылған, көп балалы, жайсыз, толық емес, ерекше қажеттілігі бар балалардың, жетім балалар мен ата-анасының қамқорынсыз қалған балалардың, девиантты мінез-құлықты, тәуекел тобындағы және өзге де әлеуметтік осал топтағы балалардың оқумен қамтылуына жағдай жасау жөніндегі жан-жақты шаралар қабылданды. 
     Аталған іс-шараға Қарағанды қаласының мәслихаты,  білім бөлімі, жергілікті полиция, пробация қызметі, білім ұйымдары өкілдері және демеушілер қатысады. 
     Сонымен қатар, аталмыш акция барысында көмек көрсеткен 100-ден астам демеушілерге Қарағанды қаласы білім бөлімінің Алғыс хаттары берілді.
     Баспасөз-конференцияның өткізілуі мақсаты: жалпыреспубликалық «Мектепке жол» акцияның өтуі туралы қала тұрғындарына ақпарат беру. 
     Іс-шара барысында акцияның мақсаттары түсіндіріледі және әлеуметтік көмекке мұқтаж балаларға  мектеп заттары (рюкзактар; мектеп, спорттық киімдер) табыс етілді. 
01.10.2019 14:20