Кәмелетке толмағандардың қауіпсіздігін қамтамасыз ету мақсатында 9-14 қыркүйек аралығында «Қауіпсіз балалық шақ» атты ақпараттық науқан ұйымдастырылды.
Барлық сыныптарда ақпараттық науқанның аспектілерін негізге алған сынып сағаттары өтті. Педаготер ұжымы, ата – аналар арасында «Балалардың қауіпсіздігі өз қолымызда» яғни, құқықтық мәдениетті, құқықтық сауаттылықты арттыру іс – шаралары өткізілді.
Іс – шаралар мазмұны кәмелетке толмағандардың құқықтарын қорғау, балалардың денсаулығы мен қаза болуына байланысты жағдайлар мен оқыс оқиғаларды болдырмау, құқықбұзушылықтың алдын алу, интернет кеңістігіндегі балалардың ақпараттық қауіпсіздігін қамтамасыз ету, пайдалану мәдениетін жетілдіру, интернет қызметін пайдаланушылардың интернет- белсенділігін бақылау туралы ақпарат беру.
Барлық білім беру ұйымдарында «Қауіпсіз балалық шақ» тақырыбында сынып сағаттары өткізілді, онда балалардың қауіпсіздігін қамтамасыз ету мәселесі талқыланды. Оқушыларға қоғамдық орындардағы тәртіп ережелері, басқалардың денсаулығына зиян келтіруге жол бермеу туралы, Интернет кеңістігіндегі ақпараттық қауіпсіздік туралы ақпарат берілді. Келеңсіз және оқыс жағдайлар туындаған кезде көрсетілетін көмек түрлері, қайда баруға болатыны туралы мағлұмат берілді.
5-11 сынып оқушылары мен олардың ата-аналарының қатысуымен «Нағыз әлем - бұл қауіпсіз әлем!» ұранымен өткізілген флешмобтарда көшеде, жолда, көлікте, мектепке барар жолда қауіпсіздікті сақтау қажеттілігіне назар аударылды.
Қатысушыларға ата-аналарымен бірге әртүрлі жарақат алу қаупін болдырмас үшін қауіпті жерлерді көрсете отырып, үйден мектепке баратын жолдарды талқылау ұсынылды.
1-8 сынып оқушыларына арналған спорттық ойындар ұйымдастырылды, мұнда ата-аналар жанкүйер ретінде белсенді түрде қатысуға мүмкіндік алды.
Сонымен қатар, 11 қыркүйекте 5-7 сынып оқушылары «Балалық шақ қауіпті емес!» онлайн сабағына қатысты.
Барлық кітапханаларда бір апта бойы құқықтарды қорғау және қауіпсіздікті қамтамасыз ету бойынша «Балаларды қорғау мәселесі бақылауда» атты әдебиеттер көрмесі жұмыс істеді.
Ата-аналармен және педагогикалық қоғамдастықпен құқықтық мәдениетті және құқықтық сауаттылықты арттыру бойынша шаралар өткізілді.
Бала қауіпсіздігі - біздің қолымызда!
