2019 жылғы 12 қыркүйекте Нұр – Сұлтан қаласында Қазақстан машина жасаушыларының VІI Форумы өтті. Аталған Форум аясында ұйымдастырылған робототехника бойынша Хакатонға қарағандылық оқушылар қатысты. Елбасы жариялаған жастар жылында Форумның ұйымдастырушылары жас ұрпақтың потенциалын дамытуға аса көңіл аударды. Аталған ісшарада оқушылар арасында робототехника бойынша Хакатон форматында байқау алғаш рет ұйымдастырылды. №38 гимназия (Муллеров Данил, Пинигин Даниил и Поветин Илья) және №101 МЛ (Бонет Станислав) оқушыларынан құралған команда Қарағанды қаласының намысын қорғады.
Оқушылар белгілі бір уақыт аралығында өздерінің робототехникадан білімдері мен дағдыларын көрсете отырып, сұрыптау конвейерін құрастыру қажет болды.
Хакатон қорытындысы бойынша Вафина Е.Л и Карнаков Е.О. жетекшілік жасаған Қарағанды қаласының командасы үшінші орынды иеленді және робототехника кабинетін қосымша жабдықтау үшін 300 мың теңгеге сертификатқа ие болды.
Қарағанды қаласының білім бөлімі барлық жеңімпаздарды, мұғалімдерді және ата-аналарды құттықтайды! Алда сәттілік пен жаңа жетістіктер тілейміз!
