Оқушылардың жеке қауіпсіздігі мен өздерінің денсаулығының маңыздылығы туралы түсініктерін қалыптастыру, қауіпті жағдайларда жүріс-тұрыс ережелері бойынша білімдерін кеңейту және жол жүру ережелерін, өрт қауіпсіздігі ережелерін сақтау дағдыларын қалыптастыру үшін, сонымен қатар үйде, қоғамдық орындарда, көлікте, көшеде, Интернет желісінде қауіпсіз жүріс-тұрыс мәдениетін, денсаулығына жауапкершілікті қалыптастыру мақсатында Қарағанды қаласының білім бөлімімен «Қауіпсіз балалық шақ» атты онлайн сабақ өткізілді.
Оқушылардың алдында өрт қауіпсіздігі, сонымен қатар балалардың жарақаттануын алдын алу, терезеден, ашық құдықтарға құлауын алдын алу мәселелері бойынша Қарағанды қ. ТЖБ бастығының орынбасары, азаматтық қорғаныс подполковнигі Омаров Ахат Оразұлы және Қарағанды қ. ТЖБ аға инженері Құрметов Жамбыл Серікұлы баяндама оқыды.
Қарағанды облысы Лаңкестікке қарсы орталық сарапшысы Евдокимович Михаил Петрович лаңкестік пен діни экстремизмнің алдын алу мәселелеріне тоқталып, күмәнді бөтен заттарға назар аудару ережелері және террористік қауіп төнген жағдайда хабарлау әдістері туралы айтып берді.
«№38 Гимназия» КММ психологы Пилатова Надежда Геннадьевна оқушыларды Интернет желісіндегі қауіпсіздік ережелерімен таныстырды, кибербуллинг ерекшеліктерін түсіндірді және әрқайсысы сандық кеңістіктің жауапты қатысушылары екендігі туралы ескертті.
Ювеналдық полицияның инспекторы Түйменбаева Назира Санбекқызы оқушыларға «Жас жаяу жүргінші» жадынамасын ұсынды. Жадынамада жол жүру қатысушыларына арналған негізгі ережелер мен қала көшелерінде қауіпсіздік сақтау бойынша ұсыныстар берілген.
«№38 Гимназия» КММ 7 «Б» сынып оқушыларынан құрылған «Светофор» ЖЖЖИ үгіт бригадасы жол жүру ережелері мен қоғамдық қауіпсіздік ержелерін сақтауға шақырды.
Қауіпсіздік ережелерін сақтаңыздар!!!
