Қарағанды қаласының білім ұйымдарында «Балалар шығармашылығы орталығы фестивалі» бастау алды

     2019 жылдың 1 маусымы жазғы мезгілде балалар мен жасөспірімдердің бос уақытын мазмұнды ұйымдастыру мақсатында «Қарағанды қаласының білім бөлімі» ММ  Балаларды қорғау күнін мерекелеу аясында және Қарағанды қаласының 85-жылдығына орай қаламыздың бес алаңдарында («Қалалық саябақ» - Жаңа қала, «Достық Үйі» – Оңтүстік-Шығыс, "Жаңа Майқұдық" - Майқұдық МҮ, "Теміржолшы" МҮ - Сұрыптау, "Молодежный" МҮ – Пришахтинск) «Балалардың шығармашылық орталығы» фестивалін өткізді. Осы алаңдарға әртүрлі балалар дамыту орталықтары, ойын-сауық орталықтары, аула клубтары, спорттық секциялар, кітапханалар өкілдері және тағы да басқалар шақырылды.     
     Аталған Фестиваль мақсаты жазғы уақытта балалар мен жасөспірімдердің жұмысын ұйымдастыру, сауықтыру және жұмыспен қамту, құқық бұзушылықтың алдын-алу, балалар арасында салауатты өмір салтын насихаттау және бос уақытын белсенді  ұйымдастыру үшін оңтайлы жағдайлар жасау. Жаз айларында мектеп жанындағы және профильдік лагерлерде (тілдік, экологиялық, лингвистикалық, өлкетану, спорттық, спорттық-туристік, еңбек; сонымен қатар бірінші болашақ сыныптар үшін «развивайка», «бөбектер мектебі» және т.б.) ыстық тамақты ұйымдастырумен 50 мыңға жуық баланы қамту жоспарланып отыр.  
     Мектеп жанындағы лагерлердің 5 маусымы анықталды. Мектеп жанындағы лагерлердің бағдарламасында әртүрлі шығармашылық, музыкалық байқаулар, кездесулер, ойындар, викториналар, спорттық жарыстар, мәдени орындарға, театрларға, кинотеатрларға  бару, экскурссиялар жасау жопарланған.  
Барлық жаз айларында мектеп жанындағы және профильдік лагерлерге баратын балалармен «Қауіпсіз жаз» акциясы аясында суда жүзу, су қоймалары маңайында, көлікте, темір жолда, қоғамдық орындарда өзін-өзі ұстау бойынша алдын алу іс-шаралары мен нұсқаулықтар жүргізіледі.    
     Сауықтыру және балалардың бос уақыты сонымен қатар, көгалдандыру бригадаларында, жөндеу-құрылыс жасақтарында, жазғы мектеп, балалар және жасөспірімдер клубтарында, үйірмелер мен секцияларда ұйымдастырылады. Қосымша білім беру ұйымдарында да әртүрлі үйірмелер және лагерлер жұмыс жасайды.

01.06.2019 12:15