Білім бөлімі Қарағанды қаласының ішкі істер департаментінің жергілікті полиция қызметімен бірлесіп жол-көлік жарақатының алдын-алу, білім ұйымдарының жас жол қозғалысының инспекторлары (ЖЖҚИ) жасақтарының жұмысын жетілдіру және кәмелетке толмағандар арасындағы құқық бұзушылықтың алдын-алу мақсатында 2019 жылдың 2 мамыр 3 мамыр күндері Қарағанды қаласының білім ұйымдары арасында «Жас жол қозғалысының инспекторлары» атты қалалық байқауы өткізілуде.
Байқауда жас жол қозғалысының жасақтары келесі бағыттар бойынша «Саптық байқау», «Жол ережелерінің білгірлері», «Велосипедті мәнерлеп жүргізу», «Жас реттеуші», «Жас санитар», «Үгіт бригадалар байқауы», «Білімпаздар турнирі», «Ашық үзіліс» өз білімдерімен, ептілігімен, күшімен сынасуда.
2 мамыр күні № 58 орта мектебінде Қазыбек ауданының 26 білім беру ұйымдарының 260 оқушы қатысып, өз білімдерін көрсетті. Аталған сайыста Қазыбек би ауданы бойынша 1 орынды-№10 ЖББОМ, 2 орынды-№58 ЖББОМ, 3 орынды-№45 гимназия жеңіп алды.
Бүгінгі күні аталған байқау Октябрь ауданының беру ұйымдарының арасында жалғасын тапты. Аталмыш слет жеңімпаздары облыстық байқауына ағымдағы жылдың маусым айында қатысады.
Жеңімпаздарды құттықтай отырып Октябрь ауданының жас жол қозғалысының жасақтарына сәттілік пен жеңіс тілейміз.
Байланыс телефондары
