2019 жылдың 02 сәуірінде «№27 жалпы білім беретін орта мектебі» базасында Қарағанды қаласы білім бөлімінің ӘК жоспарына сәйкес аутистік спектрі бұзылған балаларды тәрбиелеуде ата-аналардың рөлі туралы «Әке, ана, мен – инклюзивті отбасы» атты ақпараттық семинар өтті.
Семинарға Аутист балалардың ата-аналарының ассоциациясы, Қарағанды қаласының білім бөлімінің өкілдері, педагогтер, психологиялық-педагогикалық сүйемелдеу қызметінің мамандары, мектеп оқушыларының ата-аналары, БАҚ өкілдері қатысты.
Іс-шара Бүкіләлемдік аутизм мәселесі туралы ақпаратты тарату күні аясында инклюзивті қоғамның үлгісін және аутистік спектрі бұзылған балаларға арналған инклюзивті ортаны дамыту мүмкіндіктері туралы түсінікті қалыптастыру мақсатында өткізілді.
Семинар аясында «Әке, ана, мен – инклюзивті отбасы» жобасының презентациясы өткізілді, жобаға қатысатын отбасыларда инклюзивті ортаны дамытудың табысты іс-тәжірибесі ұсынылды. Жоба презентациясы ата-аналардың шынайы түсініктерімен қатар отбасылардың өмірінен бейнеқатармен сүйемелденіп, қатысушылардың ешқайсысын ықылассыз қалдырмады.
Байланыс телефондары
