2012 жылғы 28 ақпанда №101 мектеп-лицейде Қарағанды қаласы білім бөлімінің бастығы Д.Ш. Жекебаевтың білім ұйымдарының белсенділері - 9-11 сынып оқушыларымен «Білімді жастар - ел болашағы» атты кездесуі өтті.
Оқушылармен диалог ретінде ұйымдастырылған кездесу барысында әр түрлі мәселелер, оның ішінде мемлекеттік тілдің мәртебесін көтеру, мектептерде оқушылардың тиімді бос уақыттарын ұйымдастыру, мектеп аумақтарын абаттандыру және оқушылардың «Мен - азаматпын» әлеуметтік жобалардың қалалық байқауына, спорттық сайыстарға және тағы басқа іс-шараларға қатысулары жөніндегі тақырыптар талқыланды.
Кездесуде Елбасы Н.Ә. Назарбаевтың Қазақстан халқына биылғы жылғы Жолдауының негізгі бағыттары да қарастырылды.
Сонымен қатар, шылым шегу және жасөспірімдер арасында түрлі құқық бұзушылықтардың орын алуы жөніндегі проблемалар бойынша оқушылар белсене өз пікірлерін және аталған күрделі мәселелердің шешу жолдарын ортаға салды.
Кездесу аяғында, оқушылардың идеяларын және ұсыныстарын тыңдап, қалалық білім бөлімінің бастығы Д.Ш. Жекебаев мектеп белсенділерін «Жаңа мектеп» атты жобалар байқауына белсене қатысуға шақырып, оларға оқуда жаңа табыс тіледі.
Байланыс телефондары
