Қарағанды қаласының балалар мен жеткіншектер сарайының ұстаздар қауымының ұйымдастыруыменҚарағанды қаласының білім бөлімі мен Қазыбек би аудандық «Нұр Отан» партиясы филиалының қолдауымен 2019 жылдың 13 наурыз күні сағат 11.00де К.Станиславский атындағы орыс драма театрында Қарағанды қаласының 85 жылдығына арналған «Жарқын болашаққа бірге» атты мерекелік, қайырымдылық концерті өтті.
Концерттің басты мақсаты: қамқорлық пен қолдауға мұқтаж, көңілін шер, қабағын мұң басқан, әр адамнан қайырымдылық, алақандарынан жылулық сезімін күтетін баларға қолдау көрсету және де оларға да шығармашылық қабілеттерін толық көрсетуге, белгілі бір өздерінің өнердегі жетістіктерін, даралығын көрсетуге мүмкіндік беру.
Сонымен қатар, концерттің ерекшелігі балалар үйі мен арнайы мектеп- интернат тәрбиеленушілері Қарағанды қаласының БмЖС Сұрыптау кенті бөлімшесінің тәрбиеленушілерімен бірігіп ән салуы, би билеуі, өлең-жырларын оқып үлкен саханаға шығуы.
Кештің басты қонағы – ертеңі талпыныстарға, болашағы армандарға толы, айналасынан шуақ пен мейірім күтетін «Құлыншақ», «Таншолпан», «Үміт» балалар үйі, Облыстық «психикалық дамуы тежелген балаларға арналған мектеп-интернаты», "Даму мүмкіндігі шектеулі балаларға арналған облыстық арнайы мектеп-интернаты", облыстық балаларға арналған «тірек-қимыл аппараты бұзылған мектеп-интернаты», облыстық арнайы «көзі кеміс балаларға арналған №1 мектеп-интернаты» және де арнайы осы мерекеге шақырылған бір топ Аутизм дертіне шалдыққан балалар мен ата-аналары.
Концерттік бағдарламада Қарағанды қаласының БмЖС Сұрыптау кенті бөлімшесінің тәрбиеленушілерінің «Назқоңыр», «Созвездие» эстрада-вокал, «Кристаллайн» би студиясы, үлгілі би ансамблі «Искорка» және облыстық арнайы мектеп-интернат тәрбиеленушілері. Сонымен бірге қонақтарға фойеде «Асыл мұра», «Муза» сурет және дизаин үйірмесінің шәкірттерінің жұмыстарынан көрме ұйымдастырылады.
Байланыс телефондары
