Жеңімпаздар шеруі!

     2019 жылғы 11 ақпанда Қарағанды қаласы білім бөлімінің ұйымдастырылуымен «№ 102 МГ» КММ базасында Қарағанды қаласының 85 жылдық мерейтойына арналған Республикалық  олимпиаданың қалалық кезеңінің 268 жеңімпазы мен жүлдегерлерін марапаттау рәсімі өтті.  
     Залда қаланың 50  мектебінен келген өз пәнінің білгірі екенін дәлелдей алған  оқушылар, ата-аналар,  педагогикалық еңбек ардагерлері, білім ұйымдарының басшылары қатысты.
     Қарағанды қаласының білім бөлімі басшысының міндетін атқарушы Р.Кенешова олимпиада жеңімпаздарына өз сөзін арнап, келесіні атап өтті: «Біз сендерді мақтан тұтамыз! Сендер тек өздеріңді ғана емес мектептеріңді де лайықты көрсете білдіңдер. Ой саналарыңның кеңдігін, өз білімдеріңнің тереңдігін, ойлау ерекшеліктеріңді, ең бастысы үздік болуға деген құлшыныстырыңды  лайықты деңгейде көрсете алдыңыздар»
     Марапаттау рәсімінде  Р.Кенешова  соңғы 4 жыл бойы әр түрлі деңгейдегі  пән олимпиадалары мен зияткерлік сайыстардың  жеңімпаздары мен жүлдегерлері атанған   оқушылардың ата-аналарына Қарағанды қаласының бөлім бөлімі алғыс хатын табыс етті.
     Оқушыларды құттықтауға педагогикалық еңбек ардагерлері, Қазақстан Республикасы білім беру саласының үздіктері Оспанова М.М., Салиева Л.С., Акашев Е.У., 2018 жылғы Қарағанды облысы әкімінің «Инновациялыық мектептің үздік педагогы» номинациясының сыйлық иегері, «№93 гимназия» КММ математика мұғалімі Ефимик М.Н., 2018 жылғы Қарағанды облысы әкімінің «Үздік педагог-психолог» номинациясының сыйлық иегері, «М.Жұмабаев атындағы №39 гимназия» КММ психологы Кошанова М.К., «Қарағанды қаласының жыл мұғалімі – 2014» қалалық байқауының жеңімпазы Оспанов Д.К. келді.
     Биылғы жылғы олимпиада нәтижесінде   «Үздік олимпиада командасы» деп №93 гимназияның командасы танылды. Сонымен қатар № 97, 38, 39, 92, 3, 41, 2, 101 инновациялық мектептер мен № 36, 76, 77, 62, 27 жалпы білім беретін орта мектептердің командалары үздіктер қатарынан көрінді. Бұл командалар олимпиада нәтижесінде  үздік ондыққа енді. Үздік нәтиже көрсеткен мектептер әкімшілігінің және педагогикалық ұжымының атына алғыс тілектер айтылды.
     Марапаттау рәсімінің соңында өз өнерлерін көрсеткен «Шолпан», «Волшебная страна» үлгілі хореографиялық ансамбльдер, «Бозторғай»  вокалдық студиясы, республикалық және халықаралық байқаулардың жеңімпазы Сексембаев Алишер (№97 гимназия),  №93 гимназия оқушыларының өнерлері марапаттау рәсімінің сәнін келтіре түсті.