Қарағанды қаласының жасөспірімдер және жеткіншектер сарайында ТЕХНОПАРК ашылды

     Қарағанды қаласының балалары мен жастарын ғылыми-зерттеу және өндірістік-технологиялық ортасына ойдағыдай интеграциялау мақсатында, Қазақстан Республикасы Президенті Н.А.Назарбаевтың 2018ж. 10 қаңтардағы Қазақстан халқына жолдаған «Төртінші өндірістік революция шарттарында жаңа мүмкіндіктерді дамыту» жолдауының  «Адами капитал – жаңғырту негіздерінің» жетінші бөлімі аясында, Қазақстан Республикасының Тәуелсіздік күніне орай  Балалар мен жеткішектер сарайында Балалар технопаркі ашылды.  Ашылу рәсімінде Қарағанды қаласының әкімі Н.Е. Аубакиров және Қарағанды қаласының маслихатының депутаты  Ю.В. Бадина қатысты.
      Балалар технопаркі  негізгі 3 бөлімнен құралған:

•     Мобильді планетарий (әмбебап), астрономиялық кешен.  
•    «Робототехника» сыныбы, «Легожобалау» - 5-6 жастағы балаларға арналған, «Перворобот» - 7-10 жастағы балаларға арналған, «EV3 робототехника және  бағдарламалау» –   11-16 жастағы балаларға арналған.
•    ІТ-сынып - «Сандық өнер мен технология орталығы».

     Аталаған технопарктің ашылуы «Ұрпағы білімді халықтың болашағы бұлыңғыр болмайды» демекші, жас ұрпақты -өркениет сатыларына мақсатты жетелеу бүгінгі күннің басты талабы. Мемлекет басшысынан бастап робот техникасын дамытуды қолдап отырғандықтан, жастардың осы салада еңбектенуге талпынысын арттыру бағыттау негізгі мақсат.