Талантты жастар

Қарағанды қаласы әкімдігінің қолдауымен Қарағанды қаласының Балалар мен жеткіншектер сарайының ең жарқын ұжымдарының бірі «Волшебная страна» үздік би ансамблі Түркия мемлекетінің Мерсин қаласында өткен «International Citrus Festival Mersin» атты Халықаралық фестивальге қатысты.

«Волшебная страна» үздік би ансамблі 19 жылдан астам тарихы бар, 300-ден астам шәкіріттері бар Халықаралық және Республикалық байқаулар мен фестивальдердің 50 дүркін Гран-при жүлдегері.

Ағымдағы жылдың қазан айында ансамбльдің жастар тобы аталмыш шараға қатысуға шақыру қағазын алған еді. «Вошебная страна» үздік би ансамблі бұл фестивальде құрамында 26 жастар тобынан құралған Қазақстан Республикасын паш етті. Бұл халықтардың бірлігін, достығы мен өнерін көрсеткен керемет мереке болды. Аталмыш фестивальге әлемнің 28 мемлекетінен өкілдер қатысты. Атап айтсақ: Молдавия, Болгария, Камерун, Грузия, Ресей, Солтүстік Кипр, Аджария, Иран, Босния және Герцеговина, Қазақстан, Ирак, Украина, Съера, Лионе, Үндістан, Белоруссия, Литва, Осетия және т.б. мемлекеттер.

Біздің шәкіріттеріміз жалпы достық шеруінде Мерсин қаласының көшелерін екі рет айналып өтіп, фестивальге арналған концерттік бағдарламада қаланың үш басты алаңдарында өнерлерін ортаға салды. Фестивальде «Волшебная страна» Қарағанды Үздік би ансамблінің әртістері ең әдемі, көз тартарлық 4 қазақ биін мыңбұралана билеп, фестивальдің көрермендері мен қатысушыларын өнерлерімен таңқалдырды.

 Осындай керемет, жарқын әсер қалдырған қарағандылық бишілер ұжымы келесі жылы Мексика, Болгария, Румыния және Түркия мемлекеттерінде өтетін әр түрлі фестивальдерге шақырулар алды.

Әр түрлі елдердің өкілдерімен және олардың мәдениеті, салт-дәстүрлері, ұстанымдарымен танысу өте қызықты және әсерлі болды.  

Үлгілі хореография ансамблінің тәрбиеленушілері, ата-аналары  Қарағанды қаласының әкімшілігіне аталған фестивальде біздің қаламыз бен Қазақстан Республикасын таныстырудағы сенімі мен құрметі үшін, сонымен қатар талантты жастарымызға қаржылық қолдау көрсеткені үшін алғыс білдіреді.

Тамаша фестивальде біздің шәкіріттеріміз Қазақстан Республикасының жалауын абыроймен көтеріп, өздері жайлы жылы, ұмытылмас керемет достық әсерлерін қалдырды.