2018 жылдың 13-16 қараша аралығында Қарағанды және Теміртау қалаларында жаратылыстану-математикалық бағытындағы пәндер бойынша XI Президенттік олимпиаданың қорытынды (республикалық) кезеңі өтеді. Бұл кезеңге Қазақстан Республикасының барлық өңірінен 11 сыныптың 158 оқушысы қатысады. «№2 лицей» КММ оқушы Беисова Карина және «С. Сәттаров атындағы № 57 МЛ» КММ Нұрлан Нұрасыл облыс командасының құрамында Қарағанды қаласының намысын қорғайтын болады.
Мемлекет басшысы Н.Ә.Назарбаевтың жеке тапсырмасы бойынша өткізілетін олимпиаданың басты идеясы - отаншылдық рухты, интеллектуалды, мықты, жоғары білімді қазақстандық оқушыларды тәрбиелеу және жаратылыстану-математикалық ғылымды тереңдеп оқу.
Президенттік олимпиаданы жүргізу барысында дарынды балаларды анықтау және іріктеу үшін әртүрлі тәсілдер қолданылды: олимпиаданы on-line түрде өткізу, тест жүргізу, эссе жазу, теориялық және тәжірибелік тапсырмаларды орындау.
Қарағанды облысынан 3 қатысушысы қола медальдармен және ІІІ дәрежелі дипломдармен марапатталды. Оның ішінде «№2 лицей» КММ 11 сынып оқушысы Беисова Карина бар.
Республика мектептерінің 11 сынып оқушылары арасында жаратылыстану-математикалық бағытындағы пәндер бойынша XI Президенттік олимпиаданың жеңімпаздары Қазақстан Республикасы жоғары оқу орындарының грант иегерлері атанды.
Жеңімпаздарды, білім ұйымдарын, ұстаздарды және ата-аналарды XI Президенттік олимпиаданың сәтті аяқталуымен құттықтаймыз!
Байланыс телефондары
