IT-сыныптар ашылды

«Нұр Отан» партиясының бастамашылық жобаларының аясында Қарағанды қаласының білім ұйымдарында (№2 лицей, №8, 12,  23, 25, 34, 83, 88 ЖББОМ, №57, 66 МЛ) балаларға заманауи  IT-технологияларды қолдану арқылы білімнің қолжетімділігін арттыруға бағытталған IT-сыныптар ашылды. Жоба оқушылардың ақпараттық технологиялар саласында білімдерін жетілдіріп қана қоймай, сонымен қатар ерте кәсіптік бағдар беру мен мамандандыруға үлесін қосады.

Мектептерде оқытудың бағыттары мен факультатив сабақтары жүргізілетін сыныптар анықталды, курстың бағдарламасы жасақталды. 8-16 жастағы оқушылар бағдарламалау негіздері, компьютерлік графика, робототехника, 3 d-модельдеу және т.б. үйірмелермен қамтылады. Оқушылардың әртүрлі IT-технологиялар бойынша байқауларға қатысып, жеңіске жетуі олардың жобалық іс-әрекетпен әуестенуін дәлелдейді. Партияның бұл бастамасы оқушыларды креативті ойлауға, өз ойларын жүзеге асыруға, технологиялық дамыған әлемге дайындайды. IT-сыныптар қабырғасында алынған білім болашақ табысты стартаперлерді жетілдуруі мүмкін.

АКТ саласында (робототехника, 3d модельдеу және т.б.) біліктілікті арттыру курсынан өткен 40 шақты мұғалім IT-сыныптың жұмысына ат салысады. 

Жобаның бағыттары бойынша әртүрлі байқауларды ұйымдастыру және педагогтардың біліктілігін арттыру серіктестік  жөнінде хат жоғары оқу орындарына және дербес ұйымдарына жолданды.

Аталған жоба «Цифрлық Қазақстан» мемлекеттік бағдарламасының іске асуына және цифрлық экономика үшін болашақ кадрларды дайындауына үлкен үлесін қосады.

Болашақта қаланың барлық мектептерінде IT-сыныптарды ашу жоспарлануда.

20.09.2018 18:00