2018 жылғы 1 қыркүйекте қаланың 79 білім беру ұйымдарында жаңа 2018-2019 оқу жылының басталуына арналған салтанатты жиындар өткізіліп, алғашқы қоңырау сылдырлады.
Салтанатты жиындардан соң оқушылар «Мәңгілік ел» жалпыұлттық идеясына бағытталған«Мен - өз Отанымның патриотымын» тақырыбына арналған бірінші сабаққа қатысты.
Салтанатты жиындарға оқушылар, педагогтар, ата-аналар, сонымен қатар арнайы шақырылған қонақтар, олардың ішінде қала және облыс басшылығы, әкімдіктер мен мемлекеттік мекемелердің өкілдері, ардагер ұстаздар, Қарағанды қаласы білім бөлімінің мамандары қатысты.
Жалпы жаңа оқу жылында мектеп табалдырығын алғашқы рет 7 мыңға жуық бірінші сынып оқушылары аттады. Ал қала бойынша оқушылардың жалпы саны 65 мыңнан астам оқушыны құрайды.
Жаңа оқу жылы қарсаңында бюджет қаражат есебінен 56 білім ұйымдарында күрделі және ағымдағы жөндеу жұмыстары жүргізілді. Барлық мектептер кітаптармен қамтамасыз етілді, компьютер паркі жаңартылды, 43 физика, биология, химия, робототехника, технология пәндік кабинеттері алынды.
Қарағанды қаласының білім бөлімі қала мектептерінің оқушылары мен педагогтарын жаңа оқу жылымен құттықтай отырып, шығармашылық табыстар, жаңа жетістіктер мен табыс тілейді!
Байланыс телефондары
